________________ तुल्यारण्यकुलाकुल-विविक्तबन्धुजनशत्रुवर्गस्य / समवासीचन्दन-कल्पनप्रदेहादिदेहस्य // 251 // आत्मारामस्य सतः, समतृणमणिमुक्तलोष्ठकनकस्य / स्वाध्यायध्यानपरा-यणस्य दृढमप्रमत्तस्य // 252 // अध्यवसायविशुद्धः, प्रशस्तयोगैविशुद्ध्यमानस्य / चारित्रशुद्धिमग्र्या-मवाप्य लेश्याविशुद्धिं च // 253 // तस्यापूर्वकरणमथ, घांतिकर्मक्षयैकदेशोत्थम् / ऋद्धिप्रवेकविभवव-दुपजातं जातभद्रस्य // 254 // . सातद्धिरसेष्वगुरुः, प्राप्यर्द्धिविभूतिमसुलभामन्यैः / सक्तः प्रशमरतिसुखे, न भजति तस्यां मुनिः सङ्गम् // 255 // या सर्वसुरवरद्धि-विस्मयनीयापि साऽनगारः / नार्घति सहस्रभागं, कोटिशतसहस्रगुणितापि // 256 // तज्जयमवाप्य जितविघ्नरिपुर्भवशतसहस्रदुष्प्रापम् / चारित्रमथाख्यातं, सम्प्राप्तस्तीर्थकृत्तुल्यम् // 257 // शुक्लध्यानाद्यद्वय, मवाप्य कर्माष्टकप्रणेतारम् / संसारमूलबीजं, मूलादुन्मूलयति मोहम् // 258 // पूर्वं करोत्यनन्ता-नुबन्धिनाम्नां क्षयं कषायाणाम् / मिथ्यात्वमोहगहनं, क्षपयति सम्यक्त्वमिथ्यात्वम् . // 259 // सम्यक्त्वमोहनीयं, क्षपयत्यष्टावतः कषायांश्च / क्षपयति ततो नपुंसक-वेदं स्त्रीवेदमथ तस्मात् // 260 // हास्यादि ततः षट्कं, क्षपयति तस्माच्च पुरुषवेदमपि / . संज्वलनानपि हत्वा, प्राप्नोत्यथ वीतरागत्वम् // 261 // सर्वोद्घातितमोहो, निहतक्लेशो यथा हि सर्वज्ञः / / भात्यनुपलक्ष्यराह्व-शोन्मुक्तः पूर्णचन्द्र इव // 262 // 22
