________________ स्वशरीरेऽपि न रज्यति, शत्रावपि न प्रदोषमुपयाति / रोगजरामरणभयै-रव्यथितो यः स नित्यसुखी // 240 // धर्मध्यानाभिरत- स्त्रिदण्डविरतस्त्रिगुप्तिगुप्तात्मा। सुखमास्ते निर्द्वन्द्वो, जितेन्द्रियपरीषहकषायः // 241 // विषयसुखनिरभिलाषः, प्रशमगुणगणाभ्यलङ्कृतः साधुः। द्योतयति यथा न तथा, सर्वाण्यादित्यतेजांसि // 242 // [सम्यग्दृष्टिानी विरतितपोबलयुतोऽप्यनुपशान्तः / तं न लभते गुणं यं प्रशमगुणमुपाश्रित्तो लभते // ] सम्यगदृष्टिानी, विरतितपोध्यानभावनायोगैः / शीलाङ्गसहस्राष्टा-दशकमयत्नेन साधयति // 243 // धर्माद् भूम्यादीन्द्रिय-संज्ञाभ्यः करणतश्च योगाच्च / शीलाङ्गसहस्राणा-मष्टादशकस्यास्ति निष्पत्तिः // 244 // शीलार्णवस्य पारं, गत्वा संविग्नसुगममार्गस्य / धर्मध्यानमुपगतो, वैराग्यं प्राप्नुयायोग्यम् // 245 // आज्ञाविचयमपाय-विचयं स ध्यानयोगमुपसृत्य / तस्माद्विपाकविचय-मुपयाति संस्थानविचयं च // 246 // आप्तवचनं प्रवचनं, चाज्ञाविचयस्तदर्थनिर्णयनम् / आस्रवविकथागौरव-परीषहाद्यैरपायस्तु // 247 // अशुभशुभकर्मपाका-नुचिन्तनार्थो विषाकविचयः स्यात् / द्रव्यक्षेत्रोकृत्यनु-गमनं संस्थानविचयस्तु // 248 // जिनवरवचनगुणगणं, संचिन्तयतो वधाद्यपायांश्च / कर्मविपाकान् विविधान्, संस्थानविधीननेकांश्च // 249 // नित्योद्विग्नस्यैवं, क्षमाप्रधानस्य निरभिमानस्य / धुतमायाकलिमल-निर्मलस्य जितसर्वतृष्णस्य // 250 // 21
