________________ स्पर्शरसगन्धवर्णाः, शब्दो बन्धश्च सूक्ष्मता स्थौल्यम् / संस्थानं भेदतम-न्छायोद्योतातप (फ) श्चेति // 216 // कर्मशरीरमनोवाग्-विचेष्टितोच्छ्वासदुःखसुखदा:स्युः / जीवितमरणोपग्रह-कराश्च संसारिणः स्कन्धाः // 217 // परिणामवर्तनाविधि-परापरत्वगुणलक्षणः कालः / सम्यक्त्वज्ञानचारित्रवीर्यशिक्षागुणा जीवाः // 218 // पुद्गलकर्म शुभं यत् , तत्पुण्यमिति जिनशासने दृष्टम् / यदशुभमथ तत्पापमि-ति भवति सर्वज्ञनिर्दिष्टम् // 219 / / योगः शुद्धः पुण्या-स्रवस्तु पापस्य तद्विपर्यासः / वाक्कायमनोगुप्ति-निरास्रवः संवरस्तूक्तः // 220 // संवृततप उपधानन्तु (नात्तु) निर्जरा कर्मसन्ततिर्बन्धः / बन्धवियोगो मोक्षस्त्विति संक्षेपानव पदार्थाः // 221 // एतेष्वध्यवसायो, योऽर्थेषु विनिश्चयेन तत्त्वमिति / सम्यग्दर्शनमेतत् तु तन्निसर्गादधिगमाद्वा // 222 // शिक्षागमोपदेश-श्रवणान्येकाथिकान्यधिगमस्य / एकार्थः परिणामो, भवति निसर्गः स्वभावश्च // 223 // एतत्सम्यग्दर्शन-मनधिगमविपर्ययौ तु मिथ्यात्वम् / ज्ञानमथ पञ्चभेदं, तत्प्रत्यक्षं परोक्षं च // 224 // तत्र परोक्षं द्विविधं, श्रुतमाभिनिबोधिकं च विज्ञेयम् / प्रत्यक्षं त्ववधिमन:-पर्यायौ केवलं चेति // 225 // एषामुत्तरभेदविषयादिभिर्भवति विस्तराधिगमः / एकादीन्येकस्मिन्, भाज्यानि त्वाचतुर्थ्य इति // 226 // सम्यग्दृष्टेनिं, सम्यग्ज्ञानमिति नियमतः सिद्धम् / / आद्यत्रयमज्ञान-मपि. भवति मिथ्यात्वसंयुक्तम् // 227 //
