________________ कलौ व्युपरते वीतरागः प्रादुरभूत्पुनः / . अर्यमेव तमःपूरे समस्तार्थप्रकाशकः // 6 / 159 // प्राग् ये मुक्तिपुरीपान्थाः कलिना बलिना धृताः / आसन्मोहगृहे दासास्तेषु केऽपि तदानशन् ||6160 // अभ्येत्य वीतरागं ते योजिताञ्जलिसंपुटाः / व्यजिज्ञपनिजां मोहादनुभूतां विडम्बनाम् . // 6161 // ऊचुश्च त्वद्गतस्वान्ता मोहव्याधिमहौषधीम् / यथा लभामहे मुक्तिं कृपाकर तथा कुरु // 6162 // जगाद जगतामीशस्ततः कारुणिकाग्रणीः / भव्या अव्याहता भूयाद्भवतां मुक्तिकामना // 6163 // यदेष सिद्धिसंबन्धप्रतिबन्धकरः स्वयम् / कलिविलिल्ये तद्वित्थ स्वभाग्यं जातजागरम् // 6164 // युष्माकमाकलय्याहं सकलाः कलियातनाः / उदासामास यं वाञ्छन् प्राप्तः सोऽवसरोऽधुना ... // 6 / 165 // विवेकवीरः स्वीकृत्य यदासौ संयमश्रियम् / / उत्थास्यते युधे ध्वस्त एव मोहस्तदा ध्रुवम् // 6 / 166 // विवेक ! श्रृणु वत्स ! त्वं सत्त्वं धत्सेऽसमं यदि। दर्शयित्वा द्रुतं वीरचर्यामेतां समुद्वह // 6167 // इयं वीरकुले जाता स्वयं वीरव्रताश्रया / वुवूषति वरं वीरमेव क्लीबेषु रोषिणी // 6168 // अस्यामुल्लसति ज्ञानमुदूढायां महत्तमम् / न ह्येषा शेषयोषावबुद्धिबोधविरोधिनी // 6 / 169 // दूरे स्युर्देवता वश्या अप्यन्यवनितारसात् / एतत्सङ्गजुषामझी सेवन्ते त्रिदशेश्वराः // 6170 // 20
