________________ सामाचारीविभेदेन तेन व्यामोहितो जनः। . आससाद न विश्वासमागमस्य वचस्यपि // 687 // गच्छान्तर्वत्तिसाधूनां सौभ्रात्रेऽप्युदपाद्यत / अकारणं कलिस्तेन स्तेनश्चारित्रसंपदः // 688 // एकश्रीवीरमूलत्वात् सौहृदस्योचितैरपि / सापल्यं धारितं तेन पृथग्गच्छीयसाधुभिः // 689 // मुक्त्वाध्रिचारभूशय्यामलाद्यं बाह्यडम्बरम् / साधूनां निष्कषायत्वं यत्सारं तद्धि सोऽग्रहीत् // 690 // अन्योन्यमनिवृत्तास्ते मत्सराद्वत्सरावधि। . मिथ्यात्वं प्रापितास्तेन साधवो निश्चयानयात् .. // 691 // निर्ग्रन्थाः केऽपि तेनाप्तेऽप्यमोहे जिनशासने / शिष्यश्राद्धोपधिक्षेत्रशालामोहैविडम्बिताः' // 6 / 92 // मिथ्यादृशां महत्त्वस्य मथने श्लथशक्तयः / लिङ्गिनो विहितास्तेन स्वजातिस्फातिविद्विषः . // 693 // सावद्याहारिणः शौचवादिनो हठकारिणः / गुणान् विना गुरुंमन्याः कर्ममार्गोपदेशिनः // 694 // वैद्यकज्योतिषप्रायधनोपायपरायणाः / / शिक्षिता वतिनस्तेन केचन द्विजचेष्टितम् // 695 // गृहं गत्वा चटून्युक्त्वा लिखित्वा चोपजीविनः / गजवृत्तिं परित्याज्य श्ववृत्तिं ग्राहिताः परे // 696 // विकथाभिर्जनाक्षेपं वार्ताभिः केऽपि देशनाम् / आगमाध्ययनं गाथादोधकैस्तेन कारिताः // 697 // गर्भाधानवशीकारकार्मणादिकुकर्मभिः / देवस्वेन च कुर्वन्ति कलौ वृत्तिं कुलिङ्गिनः // 698 // 254
