________________ जान्यत् धर्मस्य दया मूलं, न चाक्षमावान्दयां समादत्ते / तस्माद्यः शान्तिपरः, स साधयत्युत्तमं धर्मम् // 168 // विनयायत्ताश्च गुणाः, सर्वे विनयश्च मार्दवायत्तः / .. यस्मिन्मार्दवमखिलं, स सर्वगुणभाक्त्वमाप्नोति // 169 // नाऽनार्जवो विशुध्यति, न धर्ममाराधयत्यशुद्धात्मा / धर्मादृते न मोक्षो, मोक्षात्परमं सुखं नान्यत् // 170 // यद् द्रव्योपकरणभक्तपानदेहाधिकारकं शौचम् / तद्भवति भावशौचा-नुपरोधाद्यत्नतः कार्यम् // 171 // पञ्चास्रवाद्विरमणं, पञ्चेन्द्रियनिग्रहः कषायजयः / दण्डत्रयविरतिश्चेति, संयमः सप्तदशभेदः // 172 // बान्धवधनेन्द्रियसुख-त्यागात्त्यक्तभयविग्रहः साधुः / त्यक्तात्मा निर्ग्रन्थ-स्त्यक्ताहङ्कारममकार: // 173 / / अविसंवादनयोगः, कायमनोवागजिह्मता चैव / सत्यं चतुर्विधं त-च्च जिनवरमतेऽस्ति नान्यत्र // 174 // अनशनमूनोदरता, वृत्तेः संक्षेपणं रसत्यागः / कायक्लेश:संली-नतेति बाह्यं तपः प्रोक्तम् // 175 // प्रायश्चित्तध्याने, वैयावृत्त्यविनयावथोत्सर्गः / स्वाध्याय इति तपः षट्-प्रकारमभ्यन्तरं भवति // 176 // दिव्यात्कामरतिसुखात्, त्रिविधं त्रिविधेन विरतिरिति नवकम् / औदारिकादपि तथा, तद् ब्रह्माष्टादशविकल्पम् // 177 // अध्यात्मविदो मूछौं, परिग्रहं वर्णयन्ति निश्चयतः / तस्माद्वैराग्येप्सो-राकिञ्चन्यं परो धर्मः // 178 // दशविधधर्मानुष्ठा-यिनः सदा रागद्वेषमोहानाम् / दृढरूढघनानामपि, भवत्युपशमोऽल्पकालेन // 179 // . 15
