________________ माता भूत्वा दुहिता, भगिनी भार्या च भवति संसारे। .. व्रजति सुतः पितृतां, भ्रातृतां पुनः शत्रुतां चैव // 156 // . मिथ्यादृष्टिरविरतः, प्रमादवान् यः कषायदण्डरुचिः / तस्य तथास्रवकर्माणि, यतेत तन्निग्रहे तस्मात् // 157 // या पुण्यपापयोरग्रहणे वाक्कायमानसी वृत्तिः / . . सुसमाहितो हितः, संवरो वाददेशितश्चिन्त्यः // 158 // यद्वद्विशोषणादुप-चितोऽपि यत्नेन जीर्यते दोषः / तद्वत्कर्मोपचितं, निर्जरयति संवृतस्तपसा' // 159 // लोकस्याधस्तिर्य-ग्विचिन्तयेदूर्ध्वमपि च बाहल्यम् / . सर्वत्र जन्ममरणे, रूपिद्रव्योपयोगांश्च // 160 // धर्मोऽयं स्वाख्यातो, जगद्धितार्थं जिनैर्जितारिगणैः / / येऽत्र रतास्ते संसारसागरं लीलयोत्तीर्णाः' // 161 // मानुष्यकर्मभूम्यार्य-देशकुलकल्यतायुरुपलब्धौ / श्रद्धाकथकश्रवणेषुः, सत्स्वपि सुदुर्लभा बोधिः .. // 162 // तां दुर्लभां भवशतै-लब्ध्वाप्यतिदुर्लभा पुनर्विरतिः / मोहाद्रागात्कापथ-विलोकनाद्गौरववशाच्च // 163 // तत्प्राप्य विरतिरत्नं, विरागमार्गविजयो दुरधिगम्यः / इन्द्रियकषायगौरव-परीषहसपत्नविधुरेण // 164 // तस्मात्परीषहेन्द्रिय-गौरवगणनायकान्कषायरिपून् / शान्तिबलमार्दवार्जव-सन्तोषैः साधयेद्धीरः // 165 // सञ्चिन्त्य कषायाणा-मुदयनिमित्तमुपशान्तिहेतुं च / त्रिकरणशुद्धमपि तयोः, परिहारासेवने कार्ये // 166 // सेव्यः क्षान्तिर्दिव-मार्जवशौचे च संयमत्यागौ। सत्यतपोब्रह्माकि-ञ्चन्यानीत्येष धर्मविधिः // 167 // 14
