________________ अस्ति लोकान्तदेशस्थं निर्वाणं नाम पत्तनम् / न केपि विविधान् क्लेशान् सहन्ते तदवाप्तये // 4 // 384 // वासो भव्यैरपि स्वल्पैरेव तत्राधिगम्यते / लभते हेमसंबन्धं न सर्वोऽपि मणिगणः // 4 // 385 // नास्मिन् जन्मजरावसानविपदो नो गर्भवासव्यथा, न श्रीयोषिदपत्यबन्धुवशता न स्रोतसां चापलम् / नाधिव्याधिवियोगशुपरिभवा नो दौस्थ्यदास्ये न भीनापि क्षुन्न तृषा न मत्सरिगिरो नातिन शीतातपौ // 4 / 386 // केवलं केवलज्ञानजुषस्तिष्ठन्ति संततम् / सुधाघ्राता इवात्मानस्तस्मिन्नाह्लादनिर्भराः // 4 // 387 // यथा तथैव धावन्तो मोहभीतास्तदाशया। यान्ति मोहपुरीमेवानध्वज्ञा अध्वगा इव // 4 // 388 // अजानन्तोऽपि तन्मार्गमुक्त्वा केचन वञ्चकाः / . भ्रमयन्ति भवारण्य एव विश्वासिनं जनम् . // 4 // 389 // सम्यग्ज्ञानक्रिये तस्य पन्था वैराग्यसंगते / . स एवासादयेत्तं यो विश्वस्तोऽस्माकमुक्तिषु // 4 // 390 // गतोऽप्यामुक्ति निर्नाथो जनो मोहेन वाल्यते / पोतोऽब्धेर्लब्धतीरोऽपि भ्राम्यते वायुना न किम् // 4 / 391 // ये केचित् मोहतो भीताः पत्तनं तद्यियासवः / त्वं तेषां पथि पान्थानां भव रक्षकदीक्षितः // 4 / 392 // त्वयि सन्निहिते यान्तु तेऽरिभ्यो निर्भयाः शिवम् / भीतिर्भवति भौजङ्गी किमारूढगरुत्मताम् // 4 // 393 // पुरापि त्वमिवानेके विवेका मामुपागताः / अनयैव दिशा तेऽपि स्वार्थसिद्धि वितेनिरे // 4 // 394 // 211
