________________ सर्वेप्यमी यद्यति नेदृशाः स्युस्तथापि शक्या ननु धीधनानाम् / ससर्पनिःशेषबिलं न सद्म तथापि भीयेत बिलं विलोक्या। 4 / 372 / / सुतरः सागरश्चण्डवातोद्भूतोर्मिसंकुलः / सुशमः शुष्ककक्षान्तर्दीप्यमानो दवानलः | 4 / 373 // सुरक्षं खलु रक्षोपि बुभुक्षाक्षामकुक्षिकम् / दुरपोहस्तु सर्वेभ्यो मोह एव ततः सताम् // 4 // 374 // भर्तुर्गुणेन सर्वेऽस्य सेवका अपि दुर्मराः / नारका इव जीवन्ति हता अपि पुनः पुनः // 4375 // अयं सर्वगतोऽनादिरनन्तश्च प्रवाहतः / व्यक्त्यानन्तः क्वचित्सान्तोप्यनादिः सर्वतः पुनः // 4 / 376 // क्वचिद्भवसि तत्र त्वमनाद्यन्तः प्रवाहतः। स्वं सादिमन्तमन्तं च व्यक्त्या वत्स ! विचारय // 4 // 377 // अयमस्य च ये भक्तास्ते सर्वे बहुरूपिणः / एकैकशः प्रतिप्राणिपृष्ठलग्ना महाद्विषः . // 4 / 378 // त्वं च ते भाविनो भक्ता ये तेऽपि बहुरूपिणः / . सम्यग्दृशैव संबन्धशालिनो न परैः पुनः // 4 // 379 // ततस्त्वत्पाक्षिकेभ्योऽमी श्रुतेऽनन्तगुणाः स्मृताः / सर्वेप्येते कथं जय्यास्त्वया बलवताप्यहो // 4 // 380 // तदलं चिन्तयाप्येषां साधो ! स्वार्थं प्रसाधय / आपन्नजनतात्राणात्परः स्वार्थो हि कस्तव // 4 / 381 // जानामि जगदालोक्य हन्त मोहकदर्थितम् / / एतं सर्वापदां मूलमुन्मूलयितुमिच्छसि // 4 / 382 // जीवत्युन्मूलितोप्येष गुडूचीस्तम्बवत्पुनः / / जनार्तिशमनोपायं परं किञ्चन ते ब्रुवे // 4 // 383 // 210
