________________ मातुः सञ्जातसाधूक्तिशकुनोथ कुमारराट् / . जगाम जगतां नेतुः स्वभावविशदः सदः // 4 // 284 // जप्यं योगीश्वरैर्येयं धीरैः सेव्यं सुरासुरैः / आलोकमात्रविध्वस्तसमस्तप्रणतापदम् // 4 // 285 // त्रिकालज्ञं त्रिलोकेशं छत्रत्रयविराजितम् / सिंहासनस्थं सोद्राक्षीत्तत्र ज्योतिर्मयं जिनम् // 4 / 286 // अनादिरागादिदुरन्तदोषक्षयादवाप्तस्फुटमाप्तनाम / स्वरूपसौख्यानुभवाद्भवस्थदौस्थ्यातिग त्वां भगवन्नमामि।। 4 / 287 // साधारणे दैवतनाम्नि देव ! त्वमेव धत्सेऽधिकतां परेषु / . धातुत्वसाम्येपि न किं सुवर्ण स्फुरत्यशेषानतिशय्य धातूम्।। 4 / 288 // कृपा कृपाणस्तव पाणिवर्ती बाणः सदासंहित एव धर्मः / सच्चक्रमन्वेतितरां तदेते मोहाद्यमित्रास्तव नाभ्यमित्राः // 4 / 289 // भृशं भवान्तर्धमताङ्गभाजां भवानवाप्तः किल कल्पवृक्षः / तथापि रज्यत्यमतिः करीरेष्विवान्यदेवेषु सकण्टकेषु // 4 / 290 // हिंसानृतस्तैन्यकुशीलताद्याः श्लिष्यन्ति दोषास्त्वदुपास्तिवन्ध्यान् / दयादमौदार्यशमादिपुण्यकलाः फलानि त्वदुपासनायाः / / 4 / 291 / / दयादमं चोपनिबध्य शास्त्रे सखा सुखाय त्वमभूर्जनानाम् / प्रसूय हिंसाकलुषश्रुतानि व्यतानि चान्यै रिपुतैव तेषु // 4 / 292 // खेरुलूकाः शिखिनो भुजङ्गा भूतादिदोषा इव मान्त्रिकस्य कुतीर्थिवादा भयदायिनोपि भवन्ति न स्थातुमलं पुरस्ते।। 4 / 293 // अकर्मता निष्फलता च पञ्चकल्याणता विश्वविलोमता च / निर्मानताऽकिञ्चनतेति दोषा अपि त्वयात्ता गुणतां लभन्ते।। 4 / 294 // आशक्रमाकुन्थु कृपारसार्दै शत्रौ च मित्रे च समत्वभाजि / त्वयर्पितात्मा जगदह्निदाहव्यपोहनेऽहं पटुतां भजेयम् // 4 / 295 // 202
