________________ देहो नासाधनको, लोकाधीनानि साधनान्यस्य / सद्धर्मानुपरोधात् तस्माल्लोकोऽभिगमनीयः . // 132 // दोषेणानुपकारी, भवति परो येन येन विद्विष्टः / / स्वयमपि तद्दोषपदं, सदा प्रयत्नेन परिहार्यम् // 133 // पिण्डैषणानिरुक्तः, कल्प्यकल्प्यस्य यो विधिः सूत्रे / ग्रहणोपभोगनियतस्य, तेन नैवामयंभयं स्यात् // 134 // . व्रणलेपाक्षोपाङ्गवदसङ्गयोगभरमात्रयात्रार्थम् / पन्नग इवाभ्यवहरे-दाहारं पुत्रपलवच्च / // 135 // गुणवदमूर्च्छितमनसा, तद्विपरीतमपि चाप्रदुष्टेन / . .. दारूपमधृतिना भवति, कल्पमास्वाद्यमास्वाद्यम् // 136 // कालं क्षेत्रं मात्रां, सात्म्यं द्रव्यगुरुलाघवं स्वबलम् / ज्ञात्वा योऽभ्यवहार्य, भुङ्क्ते किं भेषजैस्तस्य // 137 // पिण्ड: शय्या वस्त्रै-षणादि पात्रैषणादि यच्चान्यत् / कल्प्याकल्प्यं सद्धर्म-देहरक्षानिमित्तोक्तम् // 138 // कल्प्याकल्प्यविधिज्ञः, संविग्नसहायको विनीतात्मा / दोषमलिनेऽपि लोके, प्रविहरति मुनिनिरुपलेपः यद्वत्पङ्काधारमपि, पङ्कजं नोपलिप्यते तेन / धर्मोपकरणधृतवपु-रपि साधुरलेपकस्तद्वत् // 140 // यद्वत्तुरगः सत्स्व-प्याभरणविभूषणेष्वनभिषक्तः / तद्वदुपग्रहवानपि, नं सङ्गमुपयाति निर्ग्रन्थः // 141 // ग्रन्थः कर्माष्टविधं, मिथ्यात्वाविरतिदुष्टयोगाश्च / तज्जयहेतोरशठं, संयतते यः स निर्ग्रन्थः // 142 // यज्ज्ञानशीलतपसा-मुपग्रहं निग्रहं च दोषाणाम् / कल्पयति निश्चये यत्, तत्कल्प्यमकल्प्यमवशेषम् . // 143 // 12
