________________ यद्वच्छाकाष्टादश-मन्नं बहुभक्ष्यपेयवत्स्वादु / विषसंयुक्तं भुक्तं, विपाककाले विनाशयति // 108 तद्वदुपचारसंभृत-रम्यक्रागरससेविता विषयाः / भवशतपरम्परास्वपि, दुःखविपाकानुबन्धकराः // 109 अपि पश्यतां समक्षं, नियतमनियतं पदे पदे मरणम् / / येषां विषयेषु रति-र्भवति न तान्मानुषान्गणयेत् // 110 विषयपरिणामनियमो, मनोऽनुकूलविषयेष्वनुप्रेक्ष्यः / द्विगुणोऽपि च नित्यमनु-ग्रहोऽनवद्यश्च सञ्चिन्त्यः // 111 इति गुणदोषविपर्यास-दर्शनाद्विषयमूर्छितो ह्यात्मा / .. भवपरिवर्तनभीरुभि-राचारमवेक्ष्य परिरक्ष्यः . // 112 सम्यक्त्वज्ञानचारित्रतपोवीर्यात्मको जिनैः प्रोक्तः / पञ्चविधोऽयं विधिवत् , साध्वाचारः समनुगम्यः .. // 113 षड्जीवकाययतना, लौकिकसन्तानगौरवत्यागः / शीतोष्णादिपरीषह-विजयःसम्यक्त्वमविकम्प्यम् // 114 संसारादुद्वेगः, क्षपणोपायश्च कर्मणां निपुणः / वैयावृत्त्योद्योगस्तपोविधिर्योषितां त्यागः // 115 विधिना भैक्ष्यग्रहणं, स्त्रीपशुपण्डकविवर्जिता शय्या / ईर्याभाषाम्बरभाजनैषणावग्रहाः शुद्धाः // 116 स्थाननिषद्याव्युत्सर्गशब्दरूपक्रिया:परान्योऽन्याः / पञ्चमहाव्रतदाढ्य, विमुक्तता सर्वसङ्गेभ्यः // 117 // साध्वाचारः खल्वय-मष्टादशपदसहस्रपरिपठितः। . सम्यगनुपाल्यमानो, रागादीन्मूलतो हन्ति // 118 // आचाराध्ययनोक्ता-र्थभावनाचरणगुप्तहृदयस्य। न तदस्ति कालविवरं, यत्र क्वचनाभिभवनं स्यात् // 119 // 10
