________________ इलापतिविलासित्वं सत्यां सत्याप्यते त्वयि / बन्धनान्यनुभूयन्ते चौरवत्त्वां विना पुनः // 3197 // स्वाम्यदास्ये भुविश्वभ्रे वृद्धिहानी सुखासुखे / एतल्लीलायितं सर्वं त्वत्प्रसादाप्रसादयोः // 3198 // क्वचिद् रुद्धः क्वचिबद्धः क्वचिच्छतः क्वचिद्धतः / क्वचित् द्विष्टः क्वचित्पुष्टो वियोगे तव वल्लभे ! // 3199 // क्वचित्प्रेष्यः परान्नश्च क्वचित् क्वचन किङ्करः / क्वचिद्वैवधिकः सूदः क्वचिज्जातस्त्वया विना // 3 // 200 // त्वया हितोक्त्या सद्योषोचितमाचरितं मयि / अहं पङ्क्तौ निविष्टोस्मि दुःपुंसां त्वत्पराङ्मुखः // 3 / 201 // निवृत्तेर्मन्त्र्यहं ते. तु विवेकश्च द्वयोरपि / मिलन्तो वारिता हन्त मूलान्मलिनयानया // 3202 // विश्लेषमावयोः कृत्वा ही माया किमसाधयत् / आलोकवैरिणी रात्रिरब्जिनीसूर्ययोरिव // 3 / 203 // उच्चाद्भशो भृशं दुःखदायी स्यादिति मन्त्र्यपि / स्वर्गसौधाग्रमारोप्य मां पुनर्नरकेऽक्षिपत् // 3 / 204 // क्षणं लुब्धः क्षणं तुष्टः क्षणं रुष्टः क्षणं शमी / इत्यात्मनोऽमुना सोऽहं क्रीडापात्री कृतः प्रिये // 3205 // सर्वो जनः स्वस्य सुखाभिलाषी, न कोमि दुःखस्य दधाति तृष्णाम् / अहं तु हन्त स्वहितं विधातुं, मायामनोभ्यां विवशो न शक्तः 3 / 206 उपेक्षते हि नापन्नमितरोपि सचेतनः / - ईदृग्दर्श कृशं किं मां सकृपे ! त्वमुपेक्षसे // 3 / 207 // शीतार्ता रविरश्मिमब्धिपतिता नावं गताक्षा दृशं, दिग्मूढाः सरणिं श्रियं गतधना ध्वान्ताकुला दीपिकाम् / 173
