________________ // 312 // // 313 // // 314 // // 315 // // 316 // // 317 // संवेगः परमं कार्यं श्रुतस्य गदितं बुधैः / तस्माद् ये धनमिच्छन्ति ते त्विच्छन्त्यमृताद् विषम् श्रुतं वृत्तं यमो येषां धनं परमदुर्लभम् / ते नरा धनिनः प्रोक्ताः शेषा निर्धनिनः सदा को हि तृप्ति समायातो भोगैर्दुरितबन्धनैः / देवो वा देवराजो वा चक्राङ्को वा नराधिपः दुष्टमन्तर्गतं चित्तं तीर्थस्नानान्न शुध्यति / शतशोऽपि जलैधौतं मद्यभाण्डमिवाऽशुचि आत्मा वै सुमहत्तीर्थं यदाऽसौ प्रशमे स्थितः / यदाऽसौ प्रशमे नास्ति ततस्तीर्थं निरर्थकम् शीलव्रते जले स्नात्वा शुद्धिरस्य शरीरिणः / न तु स्नातस्य तीर्थेषु सर्वेष्वपि महीतले रागादिवर्जनं स्नानं ये कुर्वन्ति दयापराः / / तेषां सुनिर्मलो योगो न तु स्नातस्य वारिणा आत्मानं स्नापयेन्नित्यं ज्ञाननीरेण चारुणा / येन निर्मलतां याति जीवो जन्मान्तरेष्वपि सर्वाशुचिमये काये शुक्र-शोणितसम्भवे / शुचित्वं येऽभिवाञ्छन्ति नष्टास्ते जडचेतसः औदारिके शरीरेऽस्मिन् सप्तधातुमयेऽशुचौ / शुचित्वं येऽभिमन्यन्ते पशवस्ते न मानवाः सत्येन शुध्यते वाणी मनो ज्ञानेन शुध्यति / गुरुशुश्रूषया कायः शुद्धिरेषा सनातनी स्वर्ग-मोक्षोचितं नृत्वं मूढैर्विषयलालसैः / कृतं स्वल्पसुखस्यार्थे तिर्यङ् -नरकभाजनम् // 318 // // 319 // // 320 // // 321 // // 322 // // 323 // 137
