________________ // 6 // // 7 // // 8 // खानिर्दुःखगणस्य निर्मलगुणम्लान्येकहेतुर्मनः क्षान्त्या हन्त विलक्षतां निजरिपुः क्रोधो हठान्नीयताम् भ्राम्यत्यूर्ध्वमुखः क्षमो नमयितुं पूज्येऽपि नो कन्धरामन्तःक्षिप्तकुशीलतावशतनुः प्राणी यदध्यासितः / तं मानं विपदां निधानमयशोराशेर्निदानं सदा मुक्त्वा मार्दवमादरेण महता चेतः ! समभ्यस्यताम् . विश्वस्तानपि वञ्चयत्यनुदिनं मित्रे गुरौ बन्धुषु प्रायेण च्छलमीक्षते क्षणमपि द्रोहं विना दुःस्थितः / जागर्ति स्वपिति प्रतारणधिया यां सेवयन्निस्त्रपो मायायाः प्रतिकूलमार्जवमरे तस्याः समासेव्यताम् तृष्णावल्लीरियं नवैव विधिनाप्येतेन निष्पादिता छेत्तुं प्रक्रमिता किमप्यतितरां या केवलं वर्द्धते / तल्लोभस्य विजृम्भितं स सकलक्लेशप्रसूतिस्ततो मुक्तिर्मुक्तिवधूसमागमविधौ दूती समाराध्यताम् तीर्थं तीर्थमरे परिभ्रमसि किं खेदाय दत्वा मनः ? स्नानाद्बाह्यमलोऽप्यपैति न पुनर्भावानुबन्धः क्षयम् / आत्मा चैष कलङ्कितोऽन्तरमलैः शुद्धिं ततः किं भजेच्छौचं तत्तदहो कुरुष्व कुरुते तेषां यदुच्छेदनम् निस्तीर्णा बहवस्तरन्ति बहवो भव्यास्तरिष्यन्त्यपि क्लेशाम्भोधिमगाधमप्यतितरां चीर्णेन येन ध्रुवम् / बाह्याभ्यन्तरभेदभिन्नमचिरात्संसारकारागृहक्रूरद्वारकपाटभेदि तदरे स्फीतं तपस्तप्यताम् आत्मनिच्छसि हन्त शाश्वतपुरीमार्गे विहर्तुं यदि . भ्रातः ! संयमवर्मणा कुरु तदा रक्षाविधि सर्वतः / / // 9 // // 10 // // 11 // es
