________________ लक्ष्मीवान् पुरुषस्तु सज्जनशतैः संसेवितः सर्वतो, रुप्यस्वर्णमनोज्ञमौक्तिकमणिद्रव्यैरनेकैर्युतः / नि:स्वः कोऽपि शयान एकसमये तं संस्मरनिद्रितो, ऽपश्यत् स्वात्मनि तद्दशां पुनरसौ जाग्रत् त्वभूत् दुर्गतः // 97 // वन्ध्यैका सुतचिन्तया कवलिता कृच्छ्रेण निद्रां गता, स्वप्ने पुत्रमजीजनत् शुभतरं शुश्राव गीतध्वनिम् / आशाभिश्च समं सुतः स ववृधे तुष्टा ततो मानसे, जातं जाग्रदवस्थितौ किल सुखात्तस्यास्तु दुःखं महत् // 98 // शब्दाद्यैर्विषयैः प्रियैरिह यदा रागः समुत्पाद्यते, बालस्य स्वयमप्रियैरपि तदा द्वेषस्तु तैरेव हि / तौ यावत्तव जाग्रतो यदि हृदि त्वं नाऽसि वैराग्यभाक्, तावेवाशु बभूवतुर्यदि कृशौ देहं. कृशं मा कृथाः // 99 // शमाम्भःकासारं शिवयुवतिहारं वरगुणं . क्षमागारं सारं सजलजलधारं मतिभुवः / अपारं संसारं यदि लघु तितीर्घः कुरु तदा स्वसत्साक्षात्कारमनुभवविचारं निजहदि // 100 // षट्कं त्रिकं षोडशकं भटानां द्वेषस्य रागस्य महाद्विषस्ते / निहत्य पूर्वं बलमाशु राजन् ! कुरुष्व राज्यं निजराजधान्याम् // 101 // खेलन्ते निखिलाः खलाः बहुबलाः जाग्रच्छला निस्तुलाः, रागाद्याः स्ववशं विधाय च मनः संखेलयन्त्यप्यमी / मा भूश्चेतन ! तादृशस्तदनुगो नो सन्ति ते त्वद्गुणा स्त्वं (त्वेतेभ्यः) तेभ्यः पृथगेव चिन्मयतया ह्यानन्दसान्द्रोऽसि यत्।१०२ स्वरूपं विशुद्धात्मनश्चैतदुक्तं लसज्ज्ञानदृक्तत्त्वशुद्धोपयोगम् / नजानाति मिथ्यात्वमोहात्तदात्मामृगो नाभिगन्धं यथा कायसंस्थम् 103 .. . 3
