________________ // 6 // // 7 // संवेअमुवगयाणं भावंताणं भवण्णवसरूवं / कमपत्तकेवलाणं जायइ तं चेव पच्चक्खं // 3 // संसारभावणा चालणीइ सोहिज्जमाणभवमग्गे / पावंति भव्वजीवा नटुं व विवेयवररयणं // 4 // संसारसरूवं चिय परिभावंतेहि मुक्कसंगेहिं / सिरिनेमिजिणाईहिं वि तह विहिअं धीरपुरिसेहि // 5 // भवभावणनिस्सेणि मोत्तुं च न सिद्धिमंदिरारुहणं / भवदुह निविण्णाण वि जायइ जंतूण कइया वि तम्हा घरपरियणसयणसंगयं सयलदुक्खसंजणयं / मोत्तुं अट्टज्झाणं भावेज्ज सया भवसरूवं भवभावणा य. एसा पढिज्जए बारसण्ह मज्झम्मि। ताओ य भावणाओ बारस एयाओ अणुकमसो // 8 // पढमं अणिच्चभावं (1) असरणयं (2) एगयं च (3) अन्नत्तं / (4) संसार (5) मसुई चिय (6) विविहं लोगस्सहावं च (7) // 9 // कम्मस्स आसवं (8) संवरं च (9) निज्जरण (10) मुत्तमे य गुणे / जिणसासणम्मि (11) बोहिं च दुल्लहं चिंतए मइमं (12) // 10 // सव्वप्पणा अणिच्चो नरलोओ ताव चिट्ठउ असारो। . जीयं देहो लच्छी सुरलोयम्मि वि अणिच्चाई // 11 // नइपुलिणवालुयाए जह विरइय अलिग्न करितुरंगेहिं / घररज्जकप्पणाहि य बाला कीलंति तुट्ठमणा // 12 // तो सयमवि अन्नेण व भग्गे एयम्मि अहव एमेव / अन्नऽन्नदिसि सव्वे वयंती तह चेव संसारे // 13 // घररज्ज विहव सयणाइएसु रमिऊण पंच दियहाई / वच्चंति कहिं पि वि निययकम्मपलयानिलुक्खित्ता // 14 // 8
