________________ रागम्मि वणियपत्ती दोसे नायं ति नाविओ नंदो। कोहम्मि य चंडहडो मयकरणे चित्तसंभूया // 31 // मायाए आइच्चो लोभे उण लोभनंदि-नउलवणी। इय नाउं जेयव्वा रागाइरिऊ पयत्तेण // 32 // स-परोभयगुणहेऊ खंती ता तं कुणेज्ज इह नाया / खुड्डमुणि-नंदिसेणा तह सीसो चंडरुद्दस्स // 33 // जह एयाणं खंती सपरोभयगुणपसाहिया जाया / अन्नस्स वि तह जायइ ता तीए जयह जहसत्ती // 34 // दीहाउयाइहेऊ जीवदया इह परे य सुहहेऊ / सड्डसुओ गुणमइया मेहो दामनगो नायं // 35 // पियधम्मा दढधम्मा गिहिणो वि य मोक्खसाहगा होति / जह कामदेव-सागरचन्दा चंडावडिसो य धम्मट्ठनिउणबुद्धी गिही वि बोहिंति बहुजणं धम्मे / पायावलंब-रयणत्तिकोडि-मंसकयनाएहिं . // 37 // जो सम्मं नालोयइ नियसलं सो हु पावइ अणत्थं / जह माइ-सुया मरुओ रिसिदत्ता मच्छमल्लो य // 38 // मोहेणऽदृवसट्टो जो कालं कुणइ जाइ सो कुगई / तावस-सागरदत्त व्व नंद-ललियंगजणणि व्व . // 39 // साहीणसव्वभोगा वए वि पढमम्मि केइ. लहुकम्मा / / साहति तवच्चरणं ढंढणकुमरो व्व जंबु व्व // 40 // न कुलेण पहाणत्तं हवइ नराणं सुरा वि जं मुइया / हरिकेसि-मंदिसेणे वंदंति नमंति सेवंति // 41 // एगागिणो विहारो पडिकुट्ठो साहुणो जमेगस्स / इत्थीमाई दोसा अरहन्नय-कूलवाल व्व // 42 //
