________________ // 72 // पसत्थलेसं पकरंति चित्तं, जे सत्तखित्तेसु ववंति वित्तं / छिदंति निम्मोहमणा ममत्तं, कुणंति ते जम्ममिमं पवित्तं पठित्तु एवं उवएससत्तरं मुणंति चित्ते परमत्थवित्थरं / तरित्तु ते दुक्खभरं सुदुत्तरं, खेमेण पावंति सुहं अणुत्तरं // 73 // // 4 // ॥उपदेशरत्नकोशः॥ उवएसरयणकोसं, नासिअनीसेसलोगदोगच्चं / उवएसरयणमाणं, वुच्छं नमिऊण वीरजिणं . जीवदयाइं रमिज्जइ, इंदियवग्गो दमिज्जइ सया वि। सच्चं चेव चविज्जइ, धम्मस्स रहस्समिणमेव // 2 // सीलं न हु खंडिज्जइ, न संवसिज्जइ समं कुसीलेहिं / गुरुवयणं न खलिज्जइ, जइनज्जइधम्मपरमच्छो // 3 // चवलं न चंकमिज्जइ, विरइज्जइ नेव उप्भडो वेसो। वंकं न पलोइज्जइ, रुट्ठा वि भणंति किं पिसुणा . // 4 // निअमिज्जइ नीअजीह, अविआरिअ नेव किज्जए कज्जं / न कुलक्कमो अ लुप्पइ, कुविओ किं कुणई कलिकालो // 5 // मम्म नउ ल्लविज्जइ, कस्स वि आलं न दिज्जइ कया। को वि न उक्कोसिज्जइ, सज्जणमग्गो इमो दुग्गो सव्वस्स उवयरिज्जइ न पम्हसिज्जइ परस्स उवयारो। विहलं अवलंबिज्जइ, उवएसो एस विउसाणं को वि न अद्भच्छिज्जइ, किज्जइ कस्स वि न पत्थणाभंगो।. दीणं न य जंपिज्जइ, जीविज्जइ जाव जिअलोए // 8 // अप्पा न पसंसिज्जइ, निदिज्जइ दुज्जणो वि न कया वि। बहु बहुसो न हसिज्जइ, लब्भइ गुरुअत्तणं तेण - // 9 // // 6 // // 7 // . 206
