________________ आया दुही भवइ कोहणमाणमाओ, आया दुही य बहुलोहसमुद्दपाओ / सच्छंदया गुरुकुलाइमसेवमाणो दिटुंतओ जह कसायकुडंबठाणो 72 परिग्गहो कि न य धम्ममग्गहो, निग्गंथधम्मस्स परिग्गह दुप्पहो / परिग्गहो अस्थि जणाण निग्गहो, अणाइओ विग्गहलग्गकुग्गहो 73 पाणाण भूयाइ य पाणसंगहो, परिग्गहो कोणिय-चेड-विग्गहो / अहो ! दुहोहो य सया परिग्गहो, असंगहो तेण समग्गविग्गहो 74 मुत्तारंभपरिग्गहसंगो जीवो विसुद्धवेरग्गं / अंगोवंगसुरंगो लहइ मुणी सव्वसुहजुग्गं // 75 // निस्संगयासुरनईसुतरंगरंगो, जोगी विहंगपवरु व्व सुही सुलिंगो / इंदत्थुओ व्व नमिरायरिसिव्वऽसंगो, आमंतिओ वि हरिणा विविहं अभंगो // 76 // सुभाविया बारस भावणत्था, जेहिं सया ते उ नरा कयत्था / जोगा सगा तेहिं कया पसत्था, नट्ठा गया तेसि अ अप्पसत्था 77 अणिच्चं नरत्तं अणिच्चं सुरतं, अणिच्चं पहुत्तं अणिच्चं सुहित्तं / अणिच्चं धणं जुव्वणं वा कुडंबं, अणिच्चं च कामाण सेवाविडंबं 78 असासया किं न सुया हु भोगा? किं नो खया कस्स धणाइजोगा? / दिट्ठा न कि कस्स तणुम्मि रोगा ? जं निब्भया चिट्ठह मुद्धलोगा ! असासया कम्मजुया पयत्था, किं ते कया ताण कए अणत्था / दाऊण सोयं तुह ते पणट्ठा, तणुम्मि कम्माण भरा पविट्ठा // 8 // भुत्ता न कि कत्थ वि कामभोगा धणाइजोगा न हु किं ससोगा / दिट्ठा न कि कस्स गिहे विओगा जं निब्भया चिट्ठह मुद्धलोया 81 रूंवं बलं जुव्वणरिद्धिरज्ज, आरुग्ण सोहग्ग पहुत्तणं चं / - जं जं मणुन्नं तमणिच्चयं च, णच्चा बली सुद्धवयं च कुज्जा 82 255
