________________ // 32 // इह पत्तो वि सुधम्मो, तं कूडालंबणेण हारिहिसि / भाविभवेसुं धम्मे, संदेहो तं समीहेसि / // 28 // ता धिद्धी मइनाणे, ता वज्जं पडउ पोरिसे तुज्झ / डज्झउ विवेगसारो, गुणभंडारो महासारो // 29 // जं निअकज्जे वि तुमं, गयलीलं कुणसि आलविसारेसि / अन्न न कज्जसज्जो-सि पाव ! सुकुमारदेहो सि // 30 // अन्नं च सुणसु रे जिअ ! कलिकालालंबणं न घित्तव्वं / जं कलिकाला नटुं, कटुं न हु चेव जिणधम्मो // 31 // समसत्तुमित्तचित्तो, निच्चं अवगणियमाणअवमाणो / मज्झत्थभावजुत्तो, सिद्धंतपवित्तचित्तंतो सज्झाणझाणनिरओ, निच्चं सुसमाहिसंठिओ जीव ! / जइ चिट्ठसि ता इहयं, पि निव्वुई किं च परलोए ? // 33 // इअ सुहिओ वि हु तं कुणसु जीव ! सुहकारणं वरचरित्तं / मा कलिकालालंबण-विमोहिओ चयसि सच्चरणं // 34 // केवलकद्वेण धुवं, न सिज्झई वरचरित्तपब्भट्ठो / कट्टरहिओ वि सज्झाण-दुक्खसहिओ वि जाइ सिवं // 35 // अज्ज वि जिणधम्माओ, भवम्मि बीयम्मि सिज्झई जीवो / अविराहिअसामन्नो, जहन्नओ अट्ठमभवम्मि . // 36 // ता. जीव ! कट्ठसज्झं, जइधम्मं तरसि नेव मा कुणसु / किं न कुणसि सुहसझं, उवसमरससीअलं चरणं ? // 37 // न हि कट्ठाओ सिद्धा, विसिट्ठकाले वि किं तु सच्चरणा / ता तं करेसु सम्मं, कमेण पाविहिसि सिवसम्मं // 38 // तं पुव्विं पि हु जीवा, कमेण पत्ता सिवं चरित्ताओ / आइजिणेसरपमुहा, ता तं पि कमेण सिज्झिहिसि // 39 // 24.
