________________ जो महरिसिअणुचिन्नो, संपइ सो दुक्करो जइपहो ता / अणुमोअसु गुणनिवहं, तेसिं चिअ भत्तिगयचित्तो // 40 // वसइ. गिरिनिकुंजे भीसणे वा मसाणे, वणविडवितले वा सुण्णगारे व रत्ने / हरिकरिपभिईणं भेरवाणं अभीओ, सुरगिरिथिरचित्तो झाणसंताणलीणो // .41 // जत्थेव सूरो समुवेइ अत्थं, तत्थेव झाणं धरई पसत्थं / वोसट्टकाओ भयसंगमुक्को, रउद्दखुद्देहि अखोहणिज्जो // 42 // एसइ उज्झिअधम्मं, अंतं पंतं च सीअलं लुक्खं / . अक्कोसिओ हओ वा, अदीणविद्दवणमुहकमलो // 43 // इअ सोसंतो देहं, कम्मसमूहं च धिइबलसहाओ। .. जो मुणिपवरो एसो, तस्स अहं निच्चदासु म्हि // 44 // धन्ना ते सप्पुरिसा, जे नवरमणुत्तरं गया मुक्खं / जम्हा ते जीवाणं, न कारणं. कम्मबंधस्स // 45 // अम्हे न तहा धण्णा, धण्णा पुण इत्तिएण जं तेसिं / बहु मण्णामो चरिअं, सुहासुहं धीरपुरिसाणं // 46 // धण्णा हु बालमुणिणो, कुमारभावम्मि जे उ पव्वइंआ / निन्जिणिऊण अणंगं, दुहावहं सव्वलोआणं . // 47 // एवं जिणागमेणं, सम्मं संबोहिओ सि रे जीव ! / संबुज्झसु मा मुज्झसु, उज्जमसु सया हिअट्ठम्मि // 48 // जं उज्जमेण सिज्झइ, कज्जं न मणोरहेहिं कइआवि। . न हि सुत्तनरमुहे तरु-सिहराओ सयं फलं पडइ // 49 // ता परिभाविअ एअं, सव्वबलेणं च उज्जमं काउं। . सामण्णे होसु थिरो, जह पुहईचंदगुणचंदे . // 50 // 248
