________________ जेहिँ दोसेहिँ अन्ने, दूससि गुणगविओ तुमं मूढ ! / ते वि हु दोसट्ठाणे, किं न चयसि ? पाव ! धिट्ठो सि॥ 16 // उवसमसुहारसेणं, सुसीअलो किं न चिट्ठसि सया वि ? / : किं जीव ! कसायग्गी-पलितदेहो सुहं लहसि ? // 17 // झाणे झीणकसाए, आरद्धे किं न जीव ! सिज्झिज्जा ? / आकेवलनाणं इह, ता झाणं कुणसु सण्णाणं // 18 // जह जह कसायविगमो, तह तह सज्झाणपगरिसं जाण / जह जह झाणविसोही, तह तह कम्मक्खओ होइ // 19 // सज्झाणपसायाओ, सारीरं माणसं सुहं विउलं / " अणुहविअ कहं छड्डसि, जं सुहगिध्धो सि रे जीव ! // 20 // किं केवलो न चिट्ठसि, विहुणिअ चिरकालबंधसंबंधं / कम्मपरमाणुरेणूं, सज्झायपयंडपवणेणं ? // 21 // बुज्झसु रे जीव ! तुमं, मा मुज्झसु जिणमयं पि नाऊणं / जम्हा पुणरवि एसा, सामग्गी दुल्लहा जीव ! // 22 // जइ कहमवि जीव ! तुमं, जिणधम्मं हारिऊण पडिवडिओ / पच्छाणंतेणावि हु, कालेण वि जीव ! जिणधम्मं // 23 // पाविहिसि वा न वा ? तं, को जाणइ ? जेण सो अइदुलंभो / इअ नाउं सिवपय-साहणेण रे ! होसु कयकिच्चो // 24 // जइ अज्ज वि जीव ! तुमं, न होसि निअकज्जसाहगो मूढ ! / किं जिणधम्माओ वि हु, अब्भहिआ का वि सामग्गी ? // 25 // . जा लद्धी इह बोही, तं हारिसि हा ! पमायमयमत्तो / . पाविहिसि पाव ! पुरओ, पुणो वि तं केण मूल्लेण ? // 26 // अन्नं च किं पडिक्खसि ?, का ऊणा तुज्झ इत्थ सामग्गी ? / जं इहभवाउ पुरओ, भाविभवेसुं समुज्जमसि ? . // 27 // 246
