________________ सुपसत्थ-नाण-दंसण-चरणाहरणाण सावगाणं पि / निच्चं वटुंति सुरा कज्जे जह चेडयनिवस्स // 48 // संपत्त-महामहिमो गव्वं न करेज्ज नाउमप्पाणं / / जह सा चित्तयर-सुया नरिंद-महिलत्तणं पत्ता // 49 // भावं विणा करेंतो मुणि-चिट्ठ नेय पावए मोक्खं / . अंगारमद्दओ विव अहवा वि.सुबंधु-सचिवो व्व // 50 // अच्चंत-पाव-भीरू रज्जं न लयंति दीयमाणं पि / अभय-महासाला इव जिणसासण-भाविय-मईया // 51 // कालाणुरूव-किरियं सुयाणुसारेण कुरु जहा-जोगं / .. जह केसिगणहरेणं गोयम-गणहारिणो विहिया // 52 // सुह-बिंदु इच्छंतो जलनिहि-विउलाणि सहइ दुक्खाणि / संते वि मोक्ख-सुक्खे महुबिंदू कूवयनरो' व्व // 53 // संदेहं संपत्तो मुणिणो पुच्छिज्ज मुणिय-जिण-वयणा / जह सेणिएण पुट्ठो ज़ाया-चरियं महावीरो // 54 // जीय(वं) अथिरं पि थिरं धम्मम्मि कुणंति मुणिय-जिण वयणा / गिहिणो अभय-सरिच्छा रयणाणं तिकोडि-नाएण // 55 // खंतीए वट्टमाणा पुरिसा पावंति केवलं नाणं / जह चंडरुद्द-सीसो खंदय-सीसा य दिटुंता // 56 // रमणीयण-वेलविया वियड्ड-पुरिसा वि होंति हसणिज्जा / जह दियवरस्स तणओ सिक्खंतो जुवइ-चरियाइं // 57 / / सीहगिरी विव सीसे इच्छाए संठिए णिसेविज्जा / आणाए अवटुंते कालकसूरि व्व मुच्चेज्जा // 58 // दव्वाई लहमाणो साहूणं दिज्ज निज्जरहाए / घय-वत्थ-पूसमित्ता निदरिसणं बाहुसाहू य // 59 // 224
