________________ // 96 // // 97 // // 98 // // 99 // // 100 / / // 101 // जो गिण्हइ गुरुवयणं, भण्णंतं भावओ विसुद्धमणो / ओसहमिव पिज्जंत, तं तस्स सुहावहं होइ अणुवत्तगा विणीआ, बहुक्खमा निच्चभत्तिमंता य / गुरुकुलवासी अमुई, धन्ना सीसा इह सुसीला जीवंतस्स इह जसो, कित्ती य मयस्स परभवे धम्मो / सुगुणस्स य, निगुणस्स य अजसाऽकित्ती अहम्मो य वुड्डावासे वि ठियं, अहव गिलाणं गुरुं परिभवंति / दत्तुव्व धम्मवीमंसएण दुस्सिक्खियं तं पि आयरियभत्तिरागो, कस्स सुनक्खत्तमहरिसीसरिसो। अवि जीविअं ववसिअं, न चेव गुरुपरिभवो सहिओ पुण्णेहिं चोइआ पुरक्खडेहि सिरिभायणं भविअसत्ता / गुरुमागमेसिभद्दा, देवयमिव पज्जुवासंति बहुसुक्खसयसहस्साण दायगा मोअगा दुहसयाणं / आयरिआ फुडमेअं केसिपएसीअ (व) ते हेऊ नरयगइगमणपडिहत्थए कए तह पएसिणा रण्णा / अमरविमाणं पत्तं, तं आयरिअप्पभावेणं धम्ममइएहिं अइसुंदरेहिं कारणगुणोवणीएहिं / पल्हायंतो य मणं, सीसं चोएई आयरिओ जीअं काऊण पणं, तुरमिणिदत्तस्स कालिअजेणं / अवि अ सरीरं चत्तं, न य भणिअमहम्मसंजुत्तं फुडपागडमकहंतो, जहट्ठिअं बोहिलाभमुवहणइ / जह भगवओ विसालो, जरमरणमहोअही आसि कारुण्णरुण्णसिंगारभावभयजीविअंतकरणेहिं / साहू अवि अ मरंति, न य निअनिअमं विराहति // 102 // // 103 // // 104 // // 105 // // 106 // // 107 //
