________________ मणुयाण दस दसाओ जाओ समयम्मि पुण पसिद्धाओ। अंतब्भवंति ताओ एयासु वि ताण पुण एवं // 315 // बाला किड्डा मंदा बला य पन्ना य हाइणि पवंचा / पब्भारमुम्मुहा सायणी य दसमी य कालदसा // 316 // दसवरिस पमाणाओ पत्तेयमिमाओ तत्थ बालस्स / पढमदसा बीया उ जाणेज्जसु कीलमाणस्स // 317 // तइया भोगसमत्था होइ चउत्थी उ पुण बलं देहे। पंचमियाए पन्ना इंदियहाणी उ छट्ठीए // 318 // सत्तमियाइ दसाए कासइ निळुहइ चिक्कणं खेलं / संकुइयवलीचम्मो पुण अट्ठमीए जुआऽणिट्ठो // 319 // नवमी नमइ सरीरं वसइ य देहे अकामओ जीवो। दसमीए सुइवियलो दीणो भिन्नस्सरो खीणो // 320 // पणपन्नाइ परेणं महिला गम्भं न धारए उयरे। - पणसत्तरीइ परओ पाएण पुमं भवेऽबीओ . // 321 // वाससयाउयमेवं परेण जा होइ पुव्वकोडीओ। तस्सुद्धं अमिलाणा सव्वाउयवीसभागो उ . .. // 322 // तम्हा मणुयगईए वि सारं पेच्छामि एत्तियं चेव। जिणसासणं जिणिंदा महरिसिणो नाणचरणधणा / // 323 // पडिवज्जिऊण चरणं जं च इहं केइ पाणिणो धन्ना। साहति सिद्धिसोक्खं देवगईए व वच्चंति // 324 // तेणेव पगइभद्दो विणयपरो विगयमच्छरो सदओ। मणुयाउयं निबंधइ जह धरणीधरो सुनंदो य // 325 // देवगई वि य वोच्छं एत्तो भवंणवइवंतरसुरेहिं / जोइसिएहि वेमाणिएहि जुत्तं समासेण // 326 // 115
