________________ // 147 // // 148 // // 149 // // 150 // // 151 // // 152 // उक्कत्तिऊण देहाउ ताण मंसाइं चडफडताणं / ताणं चिय वयणे पक्खिवंति जलणम्मि भुंजेउं रे रे तुह पुव्वभवे संतुट्ठी आसि मंसरसएहि / इय भणिउं तस्सेव य मंसरसं गिहिउं देंति चउपासम्हिलिअ वणदव महंत जालावलीहिं डझंता / सुमराविज्जति सुरेहिं नारया पुव्वदवदाणं आहेडयचेट्ठाओ संभारेउं बहुप्पयाराओ / बंधति पासएहिं खिवंति तह वज्जकूडेसु पाडंति वज्जमयवागुरासु पिटुंति लोहलउडेहिं / सूलग्गे दाऊणं भुंजंति जलंतजलणम्मि उल्लंबिऊण उप्पिं अहोमुहे हेटु जलियजलणम्मि। काऊण भडित्तखंडं सो वि विकत्तंति सत्थेहि पहरंति चवेडाहिं चित्तयवयवग्घसीह रूवेहिं / . कुटुंति कुहाडेहिं ताण तणुं खयरकटुं व कयवज्जतुंड बहुविह विहंगरूवेहि तिक्खचंचूहि / अच्छी खुटुंति सिरं हणंति चुटंति मंसाइं अगणिवरिसं कुणंते मेहे वेउव्वियम्मि नेरइया। सुरकय पव्वयगुहमणुसरंति निजलिय सव्वंगा / तत्थ वि पडंतपव्वयसिलासमूहेण दलियसव्वंगा। अइकरुणं कंदंता पप्पडपिटुं व कीरंति तिरियाणऽइभारारोवणाई सुमराविऊण खंधेसुं। चडिऊण सुरा तेसिं भरेण भंजंति अंगाई जेसिं च अइसएणं गिद्धी संघाइएसु विसएसु / आसि इहं ताणं पि हु विवागमेयं पयासंति . . 101 // 153 // // 154 // // 155 // // 156 // // 157 // // 158 //
