________________ शस्त्रघातव्यथाभ्योऽपि मानस्यो दुस्सहा रुजः / रामस्तथा न चक्लाम युद्धेर्यद्वत् हृतप्रियः // 60 // शनैः स्यात् सम्पदां वृद्धिः क्षणादपि पुनः क्षयः / सगरस्याङ्गजातानां का वेला विलयेऽलगत् // 61 // सर्वपापाण्यधः कुर्युः शुद्धधी:. क्षणमप्यहो / निन्दित्वा प्रान्तकाले स्वं गोशालोऽपि दिवं ययौ // 62 // यद्विधेरपि चित्राय रचयन्ति तदङ्गनाः / प्रत्युत श्वसुरं चौरं चक्रे नूप(पु)रपण्डिता // 63 // तिष्ठन्तु प्रचुरा दूरे श्रोतव्या कापि वाक् सताम् / ... गाथां श्रुत्वार्हतीमेकां रौहिणेयोऽपि सुख्यभूत् // 64 // प्राणेभ्योऽपि प्रियं धर्म गणयन्ति यतीश्वराः / नाऽऽचरव्यौ कालिकाचार्यो दत्तभीत्याऽनृता गिरः // 65 // अहो मन्ये विडम्ब्येत महर्षिरपि मायिभिः / कूटाच्चिटकयोः कीदृग् जमदग्निरजायत / // 66 // शक्यते महिमा केन परिच्छेत्तुं महात्मनाम् / वृद्धिं विष्णुकुमारस्य वीक्ष्य शक्रोऽपि विस्मितः // 67 // वाग्देहे सुदमे स्वान्तं दुर्दमं महतामपि / गतः प्रसन्नचन्द्रोऽपि दुर्ध्यानं दुर्मुखोदितैः // 68 // कारणेऽपि कृतः क्रोधो दीर्घदुःखकृते भवेत् / निदानात्पारणाभङ्गेऽग्निशर्माऽभूच्चिरं भवी // 69 // अपराध्यपि शुद्धात्मा स्वं निन्दन् स्यादनिन्दितः / . असिध्यद् गुणसेनात्मा मुनर्हेतुरपि क्रुधः // 70 // दाक्षिण्यादपि नालीकं ब्रूयादण्वपि बुद्धिमान् / कूटसाक्षिकमात्रेण न्यपतन्नरकं वसुः // 71 // 210
