________________ श्रीसेनश्वेतवाजी धृतविजयपदो देवसूरिदिनेशः, सूरास्ते श्रीप्रभाख्यो मृगभृदभिनवोऽभूत्तमोध्वंसकारी / जातः श्रीज्ञानसूरिविमलपदरवि?तितार्हत्पथाग्रः, श्रीमत्सौभाग्यवार्डी रुचिरगुणधरः सूरिमुख्यो बभूव / // 103 // प्रोद्भूतः पट्टसूर्य सुमतिजलनिधिः सूरिराजस्तपस्वी, यावज्जीवोज्झिताज्येतरविकृतितपोवर्धमानाख्यधारी। संविग्नो भिक्षुकोऽभूदिह च कलियुगे धन्य एवापरोऽयं, श्रीसिद्धाद्रौ प्रतिष्ठाकृदपि बहुगुणः सङ्घभाग्येन जातः // 104 // गीतार्थो ग्रन्थकर्ता विजयपदपरः श्रीयशोवाचकेशो, यः सत्संविग्नपक्षीतिबिरुदविबुधस्तर्कसंपर्कबुद्धिः / न्यायाचार्यस्तु काश्यां द्विजकृतमहिमो लब्धविद्याप्रतिष्ठ स्तत्साहाय्यप्रदानान्मुदितजनपदोऽभून्मुनिः सिंहशूरः // 105 // संवेगी साधुसिंहद्धिविमलसुगुरुर्बोधिबीजं वपन्यो, ग्रामे ग्रामे व्यहार्षीत्सुविहितनिकरो देशनाभिर्जगत्याम् / मिथ्यात्वस्तम्भमर्दी मदनतरुजडोन्मूलने हस्तिवीर्यो, गाम्भीर्यक्षोभिताब्युद्धतसलिलभरो निःस्पृहः शुद्धभोजी // 106 // विमलकीर्तिधरो भुवि तच्छिशुर्विमलकीर्तिगुरुर्गुणसागरः। विमलशिष्यजनैः परगौतमो, विमलशासनशोभितदेशनः // 107 // विबुधविमलसूरिस्तच्छिशुः सङ्घसेवी, सुमतिजलधिसूरेलब्धसूरित्वसंज्ञः निजपरहितहेतोस्तत्त्वसारोपदेशं, शतकमितसूकाव्यैर्ग्रन्थरूपं व्यधत्त 108 कृशानुनन्दमुनिचन्द्र-मितेऽब्दे श्रावणासितपञ्चम्याम् / . उपदेशशतकाख्यग्रन्थः समाप्तोऽभूत्पत्तने // 109 // 130
