________________ तित्थुच्छेओ व्व मओ सुत्तुच्छेओ वि हंदि उम्मग्गो। संसारो अ अणंतो भयणिज्जो तत्थ भाववसा // 5 // णियउस्सुत्तणिमित्ता संसाराणतया ण सुत्तुत्ता। अज्झवसायोऽणुगओ भिन्नो च्चिय कारणं तीसे // 6 // कम्मं बन्धइ पावं जो खलु अणुवरयतिव्वपरिणामो / असुहाणुबन्धजोगा अणंतसंसारिआ तस्स // 7 // तम्मूलं मिच्छत्तं आभिग्गहिआइ तं च पंचविहं / भव्वाणमभव्वाणं आभिग्गहिअं वणाभोगो . // 8 // णत्थि ण णिच्चो ण कुणइ कयं ण वेएइ णस्थि णिव्वाणं / णत्थि य मोक्खोवाओ आभिग्गहिअस्स छ विअप्पा अणभिग्गहिआईण वि आसयभेएण हुंति बहुभेआ। लहुआई तिण्णि फलओ एएसुं दुन्नि गरुआई // 10 // मज्झत्थत्तं जायइ जेसिं मिच्छत्तमंदयाए वि। ण तहा असप्पवित्ती सदंधणाएण तेसि पि . // 11 // इत्तो अणभिग्गहियं भणिअं हियकारि पुव्वसेवाए। अण्णायविसेसाणं पढमिल्लयधम्ममहिगिच्च // 12 // इत्तो अ गुणट्ठाणं पढमं खलु लद्धजोगदिट्ठीणं / मिच्छत्ते वि पसिद्धं परमत्थगवेसणपराणं. // 13 // गलिआसग्गहदोसा अविज्जसंविज्जपयगया ते वि। सव्वण्णुभिच्चभावा जइणत्तं जंति भावेणं // 14 // दव्वाणा खलु तेसिं भावाणाकारणत्तओ नेया। जं अपुणबंधगाणं चित्तमणुट्ठाणमुवइ8 // 15 // मग्गाणुसारिभावो आणाए लक्खणं मुणेयव्वं / किरिया तस्स ण णियया पडिबंधे वा वि उवगारे // 16 //
