________________ कुठारिकामानकपाटपाटने, विलज्जता नाट्यनटीपटीयसी। विचित्रवंशस्थितिचित्रलुम्पने, मषीसखीयं जठरोद्भवा व्यथा // 48 // इमां जगद्भक्षणराक्षसी क्षुधां, निरोद्धुमेको भगवान् प्रगल्भते / अलाभलाभार्जितदैन्यविस्मयव्यपेतचेताः स हि योगिपुङ्गवः // 49 // यथा करिष्यत्ययमेष न:प्रभुस्तथा करिष्याम इति स्वनिश्चयम् / वयं तु हित्वा न परं जगद्गुरोः, स्वचेतसोऽपि प्रबलं त्रपामहे।। 50 // वसुव्ययादाददतेऽप्यसुव्ययाद्, यदाश्रवस्थैर्ययशोमनीषिणः / तदेव चेदात्मकरागतं हृतं, तदा किमस्थाप्यत नो बुभुक्षया // 51 // पुरा न पृष्टो नियमस्थिति प्रभुव॑ते तु पृष्टोऽपि स नाह किञ्चन / करोति किं लक्षणया न साम्प्रतं, गृहे गतानां भरतो व्रतोत्सवम्।। 52 // ततो विनीतास्त्वटवीयमेव नः, कुटुम्बिनोऽमी तरवो नवोदयाः / मृगाश्च मित्राणि मृगारिदारितद्विपेन्द्रचर्माणि च वस्त्रसञ्चयाः॥ 53 // निकुञ्जगुञ्जन्मधुपालिलालितैर्द्विजस्वरैरस्त्विह तूरपूरणम् / प्रभातसम्पादितमङ्गलारवाः शृगाल-बालाश्च भवन्तु बन्दिनः।। 54 // प्रदर्शयन्तामिह नृत्यपात्रतां, सुमोदिताः पल्लवसङ्गता लताः / कुतूहलाच्छैलतटीमुपेयुषां, मृधं च मत्तद्विरदा रदारदि // 55 // सृजत्वसौ बालमरालकूजितैः, करक्वणत्कङ्कणनादसादरम् / स्ववीचिभिर्वीजितचारुचामरा, सुरापगा वारविलासिनीरसम् // 56 // त्रिलोकभळपि हि या स्वयं धृता, जटैव निश्छत्रधिया धिनोतु सा। तदेकदा सत्त्वयशः शिरःस्थितं, कथं नु नैता विशदीकरिष्यति।। 57 // प्रयानु पाटीर र]जोव्रजौचितीमिहाङ्गसंसर्गि सदैव भस्म नः / प्रदत्तसङ्कल्पसुखाय कल्पता, निशीथतल्पाय शिला किलाश्मनः // 58 // अमी इति स्वान्तसमीरचापलप्रयुक्तयोगप्रभुताहृतार्त्तयः / भवच्च कं योगमृतेऽपि योग्यतां, जिनावधानेन तपोभृतो दधुः।। 59 // 231
