________________ रोहिताविहितसख्यमरीचि-त्वनखाग्रविधृतप्रतिबिम्बः / मज्जति प्रणमतां भवताप-व्यापदामुपशमाय नु कायः // 9 // वेद यो विमलबोधमयं त्वां, शुद्धनिश्चयनयेन विपश्चित् / स स्वमेव विमलं लभमानो, द्वेष्टि रज्यति न वा भुवि कश्चित्।। 10 / / ईहते शिवसुखं व्रतखिन्न-स्त्वामनादृतवता मनसा यः / विश्वनाथ ! स मरुस्थलसेवा-योग्यतामिह बिभर्ति पिपासुः // 11 // आश्रितः कमलया जिननाथ!, त्वं विभासि नरकान्तक एव / युज्यतामिति तवामृतधाम-ग्रासलालसतमो विनिघातः // 12 // त्वां श्रितं जिन ! विदन्ति दिनोद्य-न्मानवारविमलं सुरसाथैः / उद्भटं सुरुचिभिर्वचनौघै-निवारविमलं सुरसाथैः // 13 // आकलय्य तव वार्षिकदानं, याचकार्थनिजभेदविशङ्की / निहनुते किमिह किन्नरगीतै-स्त्वद्यशोभिरमरादिरपि स्वम् // 14 // वर्षणैर्मुशलधारघनानां, पङ्कलेशमपि या न बभार। . सा क्षमैव तव कापि नवीना, चञ्चलेऽपि कमठे न चकम्पे // 15 // अम्बरत्रिपथगाशतपत्रं, लाञ्छनभ्रमरशोभि विभाति / तीर्थनाथ ! तव कीर्तिमराली-भुक्तशिष्टमिह मण्डलमिन्दोः // 16 / / त्वत्प्रतापदृढदण्डवितु(नु)न्नं, बम्भ्रमीति गगने ग्रहचक्रम् / कुम्भमत्र जिनराज ! तदुच्चैः, प्रातरेव सृजति द्युतिमन्तम् // 17 // दुर्जनस्य रसना रसनाम, द्वेषपित्तकटुरेव न वेद। नो सुधाशिरसनोचितसारान्, सद्गुणानपि तवाद्रियते या // 18 // जङ्गमोऽसि जगदीश ! सुद्भु-र्दानपात्रमिह तद्बहु याचे। सर्वगोऽसि परिपूरय सर्वं, हृद्दरीपरिसरस्थितमिष्टम् // 19 // यस्तव स्रजमवाप कृपाया-स्तं 'यशोविजय' मेनमवैमि। . तत्र सत्रमिव मङ्गललक्ष्म्याः , सम्पदे तदधुनापि तवाख्या // 20 // . .. . . 183
