________________ विधाय मूर्धानमधस्तपस्यया किमुच्चमन्त्रव्रतशीलशीलनैः / श्रुतं न शकेश्वरनाम विश्रुतं किमत्र विद्याव्रजबीजमुज्ज्वलम् // 93 // मदाम्बुलुभ्यद्भमरारवेण प्रवृद्धरोष गिरितुङ्गकायम् / अश्रान्तमान्दोलितकर्णतालं प्रोन्मूलयन्तं विपिनं विशालम् // 94 // करप्रहारैः कुलिशानुकारैः सन्त्रासयन्तं बहुवन्यजन्तून् / अभ्यापतन्तं द्विरदं निरीक्ष्य भियं जनास्त्वच्छरणा न यान्ति // 95 // विदीर्णदन्तिव्रजकुम्भंपीठव्यक्तक्षरद्रक्तरसप्रसक्तम् / गिरिप्रतिध्वानकरैः प्रणादैविध्वंसयन्तं करिणां विनोदम् . // 96 // अतुच्छपुच्छस्वनवारबिभ्यद्वराहमातङ्गचमूरुयूथम् / मृगारिमुवीक्ष्य न शङ्कते ते नाम स्मरन् नाथ ! नरो नितान्तम् // 97 // तमालहिन्तालरसालतालविशालसालव्रजदाहधूमैः / दिशः समस्ता मलिना वितन्वन् दहन्निवाभ्रं प्रसृतैः स्फुलिङ्गैः // 98 // मिथो मिलज्जालजटालमूर्तिर्दवानलो वायुजवात् करालः / त्वदीयनामस्मरणैकमन्त्राद् जलायते विश्वजनाभिवन्द्य ! // 99 // स्फुरत्फणाडम्बरभीमकाय: फूत्कारभारैरुदयविषायः / उल्लालयन् क्रूरकृतान्तदंष्ट्राद्वयाभजिह्वायुगलं प्रकोपात् // 100 // पापाणुभिः किं घटितः पयोदश्याम: फणीन्द्रस्तव नाममन्त्रात् / भृशं विशङ्क व्रजतां समीपे न भीतिलेशं तनुते नराणाम् // 101 // भटासिभिन्नद्विपकुम्भनिर्यन्मुक्ताफलैस्तारकिताभ्रदेशे। धनुर्विमुक्तैस्तव काण्डवृन्दैः प्रदर्शिताकाण्डतडिद्विलासे // 10 // रणाङ्गणे धीरमृगारिनादैः पलायमानाखिलभीरुलोके। . जयं लभन्ते मनुजास्त्वदीयपदाब्जसेवाप्रथितप्रसादाः // 103 // उत्तालभूयः पवमानवेगादुल्लोलकल्लोलसहस्रभीष्मे / / समुच्छलत्कच्छपनकचक्रसङ्घट्टनाभङ्गुरयानपात्रे // 104 // 168
