________________ क्षणमपि कर्मविलासो, परमे परमेष्ठिभावलग्नमतिः / घनसमयेऽपि रविरिव, प्रकाशते मेघनिर्मुक्तः / // 312 // आत्मस्वभावदर्शी, स्वैरं कर्मोपनीतफल्गुरपि / लिप्येत न पापभरै-रवशिष्टमुपप्लवं पश्यन् // 313 // मायोदकं यथावत्, पश्यन् यात्येव तेन मार्गेण / पश्यन्नलीकरूपान्, भोगानुल्लङ्घयत्येवम् // 314 // तांस्तत्त्वेन तु जानन्, मग्नो भावेन मोहजम्बाले / उभयभ्रष्टः स्पष्टं, निरन्तरं खेदमनुभवति . // 315 // अन्तःकरणध्यान-प्रतिबन्धकविघटनार्थमुधुक्तः / . भोगैरपि लिप्तमति-र्न भवत्याक्षेपकज्ञानात् | 316 // उभयपदाव्यभिचारो, भणित: सम्यक्त्वमौनयोः सूत्रे / .. अस्यामेव दशायां, घटते सम्यग्दृशः सोऽयम् // 317 // संयमजन्यविशुद्धि-स्तदानपायेति निश्चयस्थित्या / फलविषये व्यभिचारो, न संयमस्थानविरहेऽपि // 318 // तस्मादात्मज्ञाने, कार्यः सततं मुमुक्षुणाभ्यासः / / किमपरशास्त्रविकल्पै-र्जातिप्रायैः कुतर्कोत्थैः // 319 // आत्मज्ञानविरहिते, शास्त्रे शस्त्रे च कोऽपि न विशेषः / भ्राम्यन्ति मूढलोकाः केवलमाकारभेदेन // 320 // आत्मज्ञानग्रन्थाः, पन्थानो ये तु मोक्षनगरस्य / गुरुतरगुणगुरुचरण-प्रसादतस्तेऽनुसर्तव्याः // 321 // एनां गुरोरधीत्य, श्रद्धत्ते य इह मार्गपरिशुद्धिम् / . परमानन्दं लभते, स 'यशोविजय'श्रिया पूर्णम् // 322 // श्रीविजयदेवसूरौ, जयिनि श्रीविजयसिंहसूरौ द्याम् / प्राप्ते साम्राज्यभृति श्रीमद्विजयप्रभाचार्ये // 323 // 122
