________________ भणति स्वलब्धिकमपि, प्राग्जाता गुरुपरीक्षितैव तव / लब्धिर्वस्त्रादीनां, निर्दोषा पारतन्त्र्यवतः / // 288 // सम्प्रति सूत्रायत्तो, जातोऽसि त्वमिति वस्तुनि प्रकृते / सम्यक् प्रवर्तितव्यं, बहुगुणलब्धिर्यथा भवति // 289 // उत्थाय सपरिवारः, त्रिर्गुरुमथ भावतः प्रदक्षिणयेत् / अथ पालयति स गच्छं, शिष्यानिष्पादयन्त्रीत्या // 290 // ईदृग्गणिविहितगणः; व्यवहाराचरणमेव भव्यानाम् / दर्शयति मोक्षमार्ग, दीप इव गृहस्थितं वस्तु // 291 // भरते भृतेऽतिशिथिलैः, कलिदोषाद् गलितसुविहितविहारे / स्थेयं गुणार्थमगुणे-ऽप्यग्रहिलग्रहिलनृपनीत्या // 292 // अगुणादपि गुणवृद्धि-र्यदि भवति द्रव्यवन्दनादिभ्यः / तदवकरादपि रत्नो-पलम्भ इत्याहुराचार्याः // 293 // हीनेऽपि गुणांशे तु, प्रायो भावेन वन्दनं न्याय्यम् / इत्थं मार्गाभ्युदयः, कारणमिह कल्पभाष्योक्तम् // 294 // निरुपक्रमकर्मवशा-न्नित्यं मार्गेकदत्तदृष्टिरपि / चरणकरणे त्वशुद्धे, शुद्धं मार्ग प्ररूपयतु // 295 // दर्शनशास्त्राभ्यासा-द्धीनोऽपि पथप्रभावनोद्युक्तः / यल्लभते फलमतुलं, न तत् क्रियामात्रमग्नमतिः // 296 // विफलक्रियाभिमाना-दज्ञानाश्चरणशुद्ध्यभावेन / इदमित्थमेव गदितं, यत् 'सम्मत्यां' महामतिना // 297 // "चरणकरणप्पहाणा, ससमयपरसमयमुक्कवावारा / . चरणकरणस्स सारं, णिच्छयसुद्धं न याणंति" // 298 // पर्यायद्रव्यगुणै-रात्मज्ञानमिह कथ्यते बोधः / . तत्र श्रद्धा दर्शन-मभ्युत्थानं च चारित्रम् . // 299 // 120
