________________ क्वचिदपि न श्रुतमुच्चैः, पुरुषव्यापारविरहितं वचनम् / श्रवणेऽपि च नाशङ्का, विलीयते दृश्यकर्तृगता . // 240 // वेदे किं वर्णानां, लोके दृष्टं न पौरुषेयत्वम् / / अपि तत्प्रकाशशक्ते-रनिश्चयानिश्चयो न ततः // 241 // नेयन्नृमात्रगम्या, तदतिशयो बहुमतो न युष्माकम् / लौकिकवाग्भ्यो दृष्टं, कथञ्चिदत्रापि वैधर्म्यम् // 242 // . समयभिदया न च स्व-प्रकाशकत्वं विनार्थनियमं च। इन्दीवरे हि दीपः, शोणत्वमसत् प्रकाशयति . // 243 // मूलच्छेदाद्बोधो, नवा सुधीसम्प्रदायतोऽप्यत्र / . . अन्धेनान्धानयन-प्रायो गुरुशिष्यबोधो यत् // 244 // अस्माकं च न दोषः, सर्वज्ञे वचनपूर्वकेऽपि सति / बीजाङ्कुरवदनादे-नियमादर्थाश्रिताद् 'भावात् // 245 // हिंसादोषादि न तत्, सर्वत्रास्मिन्नसम्भवद्रूपे / नहि रत्नगुणोऽरत्ने, नास्थाने तन्न यः स्थाप्यः // 246 // भूतवधं खलु वेदो, निषिध्य तं नियमयन्फलोद्देशात् / फलभावेऽप्युत्सर्ग-त्यागे दोषं निवेदयति // 247 // यद्वैद्यके निषिद्धो, दाहो व्याधिक्षयार्थमपि विहितः / ओघनिषेधोक्तं नो, दुःखकरत्वं प्रतिक्षिपति // 248 // किमिह प्रसक्तकथया, भावद्रव्यस्तवावुचितनीत्या / अन्योन्यसमनुविद्धौ, भवता नियमेन मन्तव्यौ // 249 // द्रव्यस्तवोऽल्पशक्ते-र्भावस्तव एव भवति गुरुशक्तेः / . पलशतभरासमर्थो, नहि वोढुं पर्वतं सहते . // 250 // यदतश्चरित्रयोग्यो, बाह्यत्यागक्रमेण भवति बुधः / . क्रमकथनतोऽपि धर्मे, चतुर्विधे हेतुफलभावात् . // 251 // 116
