________________ 108 // पा / सूत्रे हि पूजनादे-रेतत्सम्पादनार्थमुच्चारः / नो चेदनर्थकत्वं, साक्षात्तु न भावसारेऽसौ // 204 // साक्षादपि गृहिणां पुन-रयमुचितो भावकारणत्वेन / आकर्ण्यते यतीनां, कारणमपि देशना चात्र // 205 // नन्वेवं हिंसाऽपि हि, धर्माय न दुष्यतीति सम्प्राप्तम् / एवं च वेदविहिता, हिंसाऽनिष्टेति को मोहः // 206 // इह समता पीडायाः, परिणामसुखस्य चापि हिंस्यानाम् / अपि पापपुण्यजनने, व्यभिचारो वैद्यजाराभ्याम् // 207 // स्यात्तत्र शुभो भावो, नन्वयमितरत्र तुल्यतामेति / एकेन्द्रियादिभेदा-न्न विशेषः कोऽपि विहितविधेः एतदपि न युक्तिसहं, वाङ्मात्रस्याप्रयोजकत्वेन / संसारमोचकाना-मपि धर्मः स्यादपरथा तु // 209 // एकस्य न सम्यक्त्वे, विनिगमनालोकतो विगानाच्च / स्तोकस्यापि विगाने, व्यभिचाराद्देशभेदेन . // 210 // अविगानमपि बहूनां, मूढेतरभावतो न विनिगमकम् / नीरागश्च न कश्चिद्, भवेदसर्वज्ञवादिमते // 211 // म्लेच्छानामप्येवं, वाङ्मात्राद्धर्मदुष्टता न स्यात् / द्विजवरमपि घातयतां, पुरतो ननु चण्डिकादीनाम् // 212 // अन्यतरारूढत्वं, सममुभयत्राप्यसंस्कृतत्वं च। उत्सन्नशाखवेदा-शङ्कापि निवर्तते नेह // 213 // तस्मान्न वचनमात्र, प्रवृत्तिहेतुर्भवेद् बुधजनानाम् / किन्तु तथा दृष्टेष्टा-विरोधितत्सम्भवद्रूपम् // 214 // द्रव्यस्तवाद् यथोच्च-र्भावापत्कल्पगुणयुताच्छेयान् / जिनभवनकारणादे-रुपकार: पीडयाऽपीह // 215 // . . . 113
