________________ प्रणमन्ति ततो मुनयो, गुरुस्तत: स्वासनस्थितस्तस्य / कुरुते गुणप्रशंसा-मन्ये तु प्रथममेवाहुः // 147 // अयमनुयोगी प्राज्ञः, प्रवचनकार्येषु नित्यमुद्युक्तः / . योग्येभ्यो व्याख्यानं, दद्यात्सिद्धान्तविधिनैव // 148 // मध्यस्था बुद्धियुताः, प्राप्ता धर्मार्थिनश्च योग्याः स्युः / इह मार्जनादिपूर्वं, विषयप्रज्ञापना च विधिः // 149 // व्याचक्षीत समभावं, श्रोतुः परिभाव्य योग्यताभेदम् / / अपि दृष्टिवादभेदं, निर्मूलं वा तत: सूत्रम् . // 150 // सम्यग्धर्मविशेषो, यत्र कषच्छेदतापपरिशुद्धः / कथितस्तन्निर्मूलं, वरश्रुतं स्तवपरिज्ञादि // 151 // प्राणवधप्रभृतीनां, प्रतिषेधः पापकारणानां यः / ध्यानाध्ययनादीनां, यश्च विधिः स खलु धर्मकषः // 152 // बाह्यानुष्ठानेन, द्वयं न बाध्येत यत्र नियमेन / सम्भवति च परिशुद्धं, स पुनर्धर्मे स्मृतश्छेदः. // 153 // जीवादिभाववादो, बन्धादिप्रसाधकश्च तापोऽत्र / एतैः खलु परिशुद्धो, धर्मो धर्मत्वमुपयाति // 154 // कल्याणान्यत्र स्युः, पुंसः सम्प्राप्तमोक्षबीजस्य / सुरमनुजेशसुखानि, प्रतिपूर्णसुखानुबन्धीनि // 155 // भूतार्थश्रद्धानं, सम्यक्त्वं मोक्षबीजमत्राहुः / भूतार्थवाचकात्त-च्छुतात्तदाप्तस्य वचनं तु // 156 // ननु तदपि ततो न स्या-द्वयभिचारस्योपलम्भतो व्यक्तम् / यदनन्तशः श्रुताप्तिः, श्रुते श्रुता द्रव्यलिङ्गवताम् - // 157 // सत्यं तत्प्राप्तावपि, वीर्यं नोल्लसितमेव जीवस्य / हेतुश्च तदुल्लासे, प्रायः श्रुतमेव को दोषः? ' // 158 // 108
