________________ नालोचनादिमात्रं, ब्राह्मयादेरपि हि येन तद्भावः / / सप्रतिकारविषोपम-मसुखाय न सातिचारमदः / // 123 // इत्थं विचारतः स्यात्, संवेगातिशयतश्चरणवृद्धिः / / दुष्टान्यथा प्रवृत्तिः, सम्मूर्छनजप्रवृत्त्याभा - // 124 // इत्थं यतमानोऽपि, स्त्रीरागेणाभिबाध्यते स यदा / भावयति तदा सम्यक् विषयस्त्रीसङ्गवैषम्यम् // 125 // मासादिविहारेण च, विहरेदादिस्तु वक्ति कार्येण / न्यूनत्वादिविहार-ध्रौव्यं त्विह मोहशान्त्यर्थम् . // 126 // नित्यवसतिरपि परिणत-गुर्वादीनां तु कारणेन स्यात् / ... द्रव्यत एव न भावा-दागमयतना विशुद्धधियाम् // 127 // स्वाध्यायादिश्रान्तः, कुर्याच्च कथां दशार्णभद्रादेः / विश्रोतसिकारहितः, स्वपरस्थिरताकरी नित्यम् // 128 // नोपस्थापनयैव हि, चरणं यद्रव्यतोऽप्यभव्ये सा / प्रायस्तयानुभावा-देतद्विधिनेदमिति तत्त्वम् / // 129 // व्रतसम्पन्नाश्चैवं, कालेन गृहीतसकलसूत्रार्थाः / अनुयोगानुज्ञाया, योग्या भणिता जिनवरेन्द्रैः // 130 // भाषा मृषान्यथा तु, प्रवचननिन्दा च शिष्यगुणहानिः / तीर्थोच्छेदश्चेति, स्वल्पाध्ययने न योग्यत्वम् / // 131 // कालोचितसूत्रार्थे, तस्मात्सुविनिश्चितस्य युक्तोऽयं / श्रवणादेव न यदियं, 'संम्मत्यां' सिद्धसेनोक्तिः // 132 // "जह जह बहुस्सुओ सम्मओ अ सीसगणसंपरिवुडो, अ / अविणिच्छिओ अ समए, तह तह सिद्धंतपडिणीओ // 133 // अविनिश्चितो हि न भवे-दपवादोत्सर्गविषयवित्सम्यक् / अविषयदेशनया च, स्वपरविनाशी स नियमेन . // 134 // 106
