________________ कारेउ अ इअरो वि हु एत्तो एयस्स होउ लाभो त्ति / नो पुण अलस्सत्तणओ पच्चुवयारं च दाइंतो // 60 // एवं एयगुणाणं कहिया गंभीरधीरया दोण्हं / छंदणसामायारी एएहि परिजिआ होइ // 61 // गुरुपुच्छाइ मुणीणं अग्गहियसंपत्थणा णिमंतणया। सज्झायाइरयस्स वि कज्जुज्जुत्तस्स सा होइ // 62 // इच्छाऽविच्छेदेणं कज्जुज्जोगो अ हंदि पइसमयं / परिणयजिणवयणाणं एसो अ महाणुभावाणं // 63 // माणुस्सं संसारे मरुम्मि कप्पडुमो व्व अइदुलहं। ... एयं लभ्रूण सया अप्पमत्तेणेव होयव्वं // 64 // छुहिअस्स जहा खणमवि विच्छिज्जइ णेव भोअणे इच्छा / एवं मोक्खट्ठीणं छिज्जइ इच्छा ण कज्जम्मि // 65 // सिद्धे मुणीण कज्जे तम्मि वि इच्छोचिया असिद्धम्मि। उक्किट्ठे तेणेव य समत्थियं किर णमुत्थु त्ति ... // 66 // इच्छाविच्छेओ विय ण तारिसो जोग्गयं विणा भद्दो।। भद्दा कर्हि णु इच्छा उज्जू वंको य दो मग्गा // 67 // तम्हा गुरुपुच्छाए इहमहिगयजोग्गओ कुणउ। किच्चं अकए किच्चे वि फलं तीए इहरा फलाभावो // 68 // तयहीणकज्जगहणे वयणं उवसंपया उवगमस्स / सा पुण तिविहा भणिया नाणे दंसण चरिते य // 69 // वत्तणसंधणगहणे नाणे सुत्तत्थतदुभयं पप्प। . एमेव दंसणम्मि वि वत्तणमिहयं थिरीकरणं // 70 // घडणं च संधणा किर तस्स पएसंतरम्मि णट्ठस्स। गहणं अपुव्वधरणं इहयं चउरो इमे भंगा / // 71 //
