________________ मि त्ति मिउमद्दवत्ते छ त्ति य दोसाण छायणे होइ। मि त्ति य मेराइठिओ दु ति दुर्गच्छामि अप्पाणं // 24 // कत्ति कडं मे पावंडत्ति य डेवेमि तं उवसमेणं / एसो मिच्छादुक्कडपयक्खरत्थो समासेणं // 25 // ण य संकेयाहीणो अत्थो इट्ठो ण वण्णमित्तस्स / दिट्ठो य णिरपवायं मनणा ताणा य मन्तो त्ति // 26 // आभोगा पुणकरणे नूणं मिच्छुक्कडे भवे मिच्छा। माया नियडी य तओ मिच्छत्तं पि य जओ भणियं // 27 // जो जहवायं न कुणइ मिच्छद्दिट्ठी तओ हु को अन्नो। वड्इ य मिच्छत्तं परस्स संकं जणेमाणो .. // 28 // तम्हा अकरणय च्चिय कहियं नु तए पए पडिक्कमणं / नो पुण उवेच्च करणे असइ करणे य पडिक्कमणं // 29 // सच्चत्तपच्चयटुं जं अटे किर गुरुवइट्ठम्मि। . रुइपुव्वं अभिहाणं लक्खिज्जइ सो तहक्कारो. // 30 // कप्पाकप्पम्मि ठियस्सुवओगे सव्वगुणवओ जइणो। वायणमाइम्मि हवे अविगप्पेणं तहक्कारो // 31 // इयरम्मि विगप्पेणं सो यं विगप्पो ववढिओ एसो। संविग्गे गीयम्मि अ तहेव अण्णत्थ जुत्तिखमे // 32 // नाणेण जाणइ च्चिय संवेगेणं तहेव य कहेइ। तो तदुभयगुणजुत्ते अतहक्कारो अभिणिवेसा // 33 // नणु सव्वं जिणवयणं जुत्तिखमं तेण को विसेसोऽयं / भन्नइ आणागेज्झे पडुच्च अत्थे विसेसोऽयं . // 34 // एत्तो तिव्वा सद्धा तीए मिच्छत्तमोहकम्मखओ। अण्णेसि पि पवित्ती विणओ तित्थंकराणा य // 35 // .36
