________________ अब्भत्थणं वि कुज्जा गेलनाईहिँ कारणेहिं तु / रायणियं वज्जित्ता मोत्तुं नाणाइअं कज्जं // 12 // करणं पुण आणाए विरियायारो त्ति णेव पडिसिद्धं / परकज्जत्थणणासे दट्टणं णिज्जलाए // 13 // जइ वि हु इच्छाकारो बलाभिओगस्स वारणट्ठाए। तह वि हु सा मज्जाया अण्णत्थ वि होइ कायव्वा // 14 // आणाबलाभिओगो सव्वत्थ ण कप्पइ त्ति उस्सग्गो। अववायओ अ ईसिं कप्पइ सो आसणाएणं // 15 // पढमं इच्छाकारो तत्तो आणा तओ अ अभिओगो। जोग्गे वि अणुवओगा खरण्टणा होइ खलियम्मि // 16 // तीसे ण दोसलेसो नूणं दोसावहो पसत्थो त्ति / परिकम्मिओ ण जीवियघायकरो वच्छणांगो वि // 17 // जो सयमेव य भीओ वेयावच्चं करेइ आयरिओ। तेण णियपाणिण च्चिय सीसा किज्जंति अविणीआ // 18 // इच्छाकारं किच्चा अदीणमणस्स लद्धिविरहे वि। विउलो णिज्जरलाभो होइ धुवं भावदाणेणं __ // 19 // जो मिच्छ त्ति पओगो नियसंजमजोगदुप्पउत्तम्मि। सो खलु मिच्छाकारो तुह सिद्धते समुवइट्ठो // 20 // णेयो णिज्जरहेऊ मिच्छामीदुक्कडं इय पओगो। णिच्छयमिच्छाकारो तयट्ठसंपच्चयपउत्तो // 21 // आणाराहणजोगो तत्तो पुण होइ तिव्वसंवेगो। अइविउलणिज्जद्धा अपुणकरणसंगओ एसो // 22 // दक्खस्सेयपओगे णियमा उल्लसइ तारिसो भावो। अण्णपओगे भयणा तेणं अच्चायरो इह यो // 23 // 30
