________________ मालइगुणण्णुणो महुअरस्स तप्पक्खवायहीणत्तं / पडिबंधे वि न कइआ एमेव मुणिस्स सुहजोगे // 48 // अपयट्टो वि पयट्टो भावेणं एस जेण तस्सत्ती / अक्खलिआ निबिडाओ कम्मक्खओवसमजोगाओ // 49 // निरओ भुज्जरसन्नू किंचि अवत्थं गओ असुहमन्नं / भुंजइ तम्मि न रज्जइ सुहभोअणलालसो धणिअं. // 50 // इय सुद्धचरणरसिओ सेवंतो दव्वओ विरुद्ध पि / सद्धागुणेण एसो न भावचरणं अइक्कमइ // 51 // अवहपइन्नाजणिअं भावं पालेउमायरक्खाए / तीए चेव ण हाणी सुअकेवलिणा जओ भणिअं // 52 // चिक्खिल्लवालसावयसरेणुकंटगतणे बहुअज़ले अ। लोगो वि निच्छइ पहे को णु विसेसों भयंतस्स // 53 // जयणमजयणं च गिही सचित्तमीसे परितणंते अ / न विजाणंति णयासिं अवहपइन्ना. अह विसेसो . // 54 // अवि अ जणे मरणभया परिस्समभयाउ ते विवज्जेइ / ते गुणदयापरिणया मुक्खत्थमिसी परिहरंति // 55 // अविसिट्ठम्मि वि जोगम्मि बाहिरे होइ विहुरया इहरा / सुद्धस्स उ संपत्ती अफला जं देसिआ समए // 56 // इक्कम्मि वि पाणिवहम्मि देसिअं सुमहदंतरं समए / एमेव णिज्जरफला परिणामवसा बहुविहीआ // 57 // जे जत्तिआ य हेऊ भवस्स ते चेव तत्तिआ मुक्खे। . गणणाईआ लोगा दुण्ह वि पुन्ना भवे तुल्ला // 58 // इरिआवहमाईआ जे चेव हवंति कम्मबंधाय / अजयाणं ते चेव उ जयाण णिव्वाणगमणाय // 59 // 22
