________________ // 40 // // 41 // // 42 // // 43 // // 44 // // 45 // समलं निर्मलं चेदमिति द्वैतं यदा गतम् / अद्वैतं निर्मलं ब्रह्म तदैकमवशिष्यते महासामान्यरूपेऽस्मिन्मज्जन्ति नयजा भिदाः / समुद्र इव कल्लोलाः पवनोन्माथनिर्मिताः षड्द्रव्यैकात्म्यसंस्पर्शि सत्सामान्यं हि यद्यपि / परस्यानुपयोगित्वात् स्वविश्रान्तं तथापि तत् नयेन संग्रहेणैवमृजुसूत्रोपजीविना / सच्चिदानन्दरूपत्वं ब्रह्मणो व्यवतिष्ठते सत्त्वचित्त्वादिधर्माणां भेदाभेदविचारणे / न चार्थोऽयं विशीर्येत निर्विकल्पप्रसिद्धितः योगजानुभवारूढे सन्मात्रे निर्विकल्पके / विकल्पौघासहिष्णुत्वं भूषणं न तु दूषणम् यो ह्याख्यातुमशक्योऽपि प्रत्याख्यातुं न शक्यते / प्राज्ञैर्न दूषणीयोऽर्थः स माधुर्यविशेषवत् . कुमारी न यथा वेत्ति सुखं दयितभोगजम् / न जानाति तथा लोको योगिनां ज्ञानजं सुखम् अत्यन्तपक्वबोधाय समाधिनिर्विकल्पकः / वाच्योऽयं नार्धविज्ञस्य तथा चोक्तं परैरपि आदौ शमदमप्रायैर्गुणैः शिष्यं प्रबोधयेत् / पश्चात् सर्वमिदं ब्रह्म शुद्धस्त्वमिति बोधयेत् अज्ञस्यार्धप्रबुद्धस्य सर्वं ब्रह्मेति यो वदेत् / महानरकजालेषु स तेन विनियोजितः तेनादौ शोधयेच्चित्तं सद्विकल्पैर्वतादिभिः / यत्कामादिविकाराणां प्रतिसंख्याननाश्यता // 46 // // 47 // // 48 // // 49 // // 50 // // 51 // 21
