________________ अवलम्ब्येच्छायोगं पूर्णाचारासहिष्णवश्च वयम् / भक्त्या परममुनीनां तदीयपदवीमनुसरामः // 29 // अल्पापि यात्र यतना निर्दम्भा सा शुभानुबन्धकरी / अज्ञानविषयव्ययकृद्विवेचनं चात्मभावानां // 30 // सिद्धान्ततदङ्गानां शास्त्राणामस्तु परिचयः शक्त्या / परमालम्बनभूतो दर्शनपक्षोऽयमस्माकम् विधिकथनं विधिरागो विधिमार्गस्थापनं विधीच्छूनाम् / अविधिनिषेधश्चेति प्रवचनभक्तिः प्रसिद्धी नः // 32 // अध्यात्मभावनोज्ज्वलचेतोवृत्त्योचितं हि नः कृत्यम् / पूर्णक्रियाभिलाषश्चेति द्वयमात्मशुद्धिकरम् // 33 // द्वयमिह शुभानुबन्धः शक्यारम्भश्च शुद्धपक्षश्च / अहितो विपर्ययः पुनरित्यनुभवसंगतः पन्थाः // 34 // ये त्वनुभवाविनिश्चितमार्गाश्चारित्रपरिणतिभ्रष्टाः / बाह्यक्रिययाचरणाभिमानिनो ज्ञानिनोऽपि न ते ... // 35 // लोकेषु बहिर्बुद्धिषु विगोपकानां बहिष्क्रियासु रतिः / . . श्रद्धां विना न चैताः सतां प्रमाणं यतोऽभिहितम् // 36 // बालः पश्यति लिङ्गं मध्यमबुद्धिर्विचारयति वृत्तम् / आगमतत्त्वं तु बुधः परीक्षते सर्वयत्नेन . // 37 // निन्द्यो न कोपि लोके पापिष्ठेष्वपि भवस्थितिश्चिन्त्या / पूज्या गुणगरिमाढ्या धार्यो रागो गुणलवेऽपि // 38 // निश्चित्यागमतत्त्वं तस्मादुत्सृज्य लोकसंज्ञां च / श्रद्धाविवेकसारं यतितव्यं योगिना नित्यम् // 39 // ग्राह्यं हितमपि बालादालापैर्दुर्जनस्य न द्वेष्यम् / त्यक्तव्या च पराशा पाशा इव संगमा ज्ञेयाः 128 // 40 //
