________________ // 126 // // 127 // // 128 // // 129 // // 130 // // 131 // पुरादिवर्णनाद्राजा स्तुतः स्यादुपचारतः / तत्त्वतः शौर्यगाम्भीर्यधैर्यादिगुणवर्णनात् मुख्योपचारधर्माणामविभागेन या स्तुतिः / न सा चित्तप्रसादाय कवित्वं कुकवेरिव अन्यथाभिनिवेशेन प्रत्युतानर्थकारिणी / सुतीक्ष्णखड्गधारेव प्रमादेन करे धृता मणिप्रभामणिज्ञानन्यायेन शुभकल्पना / वस्तुस्पर्शितया न्याय्या यावन्नानञ्जनप्रथा पुण्यपापविनिर्मुक्तं तत्त्वतस्त्वविकल्पकम् / नित्यं ब्रह्म सदा ध्येयमेषा शुद्धनयस्थितिः आश्रवः संवरश्चापि नात्मा विज्ञानलक्षणः / यत्कर्मपुद्गलादानरोधावाश्रवसंवरौ . आत्मादत्ते तु यैर्भावैः स्वतन्त्रः कर्मपुद्गलान् / . मिथ्यात्वाविरती योगाः कषायास्तेऽन्तराश्रवाः . भावनाधर्मचारित्रपरीषहजयादयः / . आश्रवोच्छेदिनो धर्मा आत्मनो भावसंवराः आश्रवः संवरो न स्यात्संवस्थाश्रवः क्वचित् / भवमोक्षफलाभेदोऽन्यथा स्याद्धेतुसंकरात् कर्माश्रवं च संवृण्वन्नात्मा भिन्नैर्निजाशयैः / करोति न परापेक्षामलम्भूष्णुः स्वतः सदा निमित्तमात्रभूतास्तु हिंसाऽहिंसादयोऽखिलाः / ये परप्राणिपर्याया न ते स्वफलहेतवः व्यवहारविमूढस्तु हेतूंस्तानेव मन्यते / बाह्यक्रियारतस्वान्तस्तत्त्वं गूढं न पश्यति // 132 // // 134 // // 135 // // 136 // // 137 // 110
