________________ आत्मा न व्यापृतस्तत्र रागद्वेषाशयं सृजन् / तन्निमित्तोपननेषु कर्मोपादानकर्मसु . // 114 // वारि वर्षन् यथाम्भोदो धान्यवर्षी निगद्यते / भावकर्म सृजन्नात्मा तथा पुद्गलकर्मकृत् // 115 // नैगमव्यवहारौ तु ब्रूतः कर्मादिकर्तृताम् / व्यापारः फलपर्यन्तः परिदृष्टो यदात्मनः // 116 // अन्योन्यानुगतानां का तदेतदिति वा भिदा / यावच्चरमपर्यायं यथा पानीयदुग्धयोः' // 117 // नात्मनो विकृति दत्ते तदेषा नयकल्पना / शुद्धस्य रजतस्येव शुक्तिधर्मप्रकल्पना // 118 // मुषितत्वं यथा पान्थगतं पथ्युपचर्यते / .. तथा पुद्गलकर्मस्था विक्रियात्मनि बालिशैः // 119 // कृष्णः शोणोऽपि वोपाधे शुद्धः स्फटिको यथा / रक्तो द्विष्टस्तथैवात्मा संसर्गात्पुण्यपापयोः . // 120 // सेयं नटकला तावद् यावद्विविधकल्पना। यद्रूपं कल्पनातीतं तत्तु पश्यत्यकल्पक: . // 121 // कल्पनामोहितो जन्तुः शुक्लं कृष्णं च पश्यति / तस्यां पुनर्विलीनायामशुक्लाकृष्णमीक्षते // 122 // तद्ध्यानं सा स्तुतिर्भक्तिः सैवोक्ता परमात्मनः / पुण्यपापविहीनस्य यद्रूपस्यानुचिन्तनम् // 123 // शरीररूपलावण्यवप्रच्छत्रध्वजादिभिः / वर्णितैर्वीतरागस्य वास्तवी नोपवर्णना // 124 // व्यवहारस्तुतिः सेयं वीतरागात्मवर्तिनाम् / ज्ञानादीनां गुणानां तु वर्णना निश्चयस्तुतिः // 125 // 116
