________________ असंयतात्मनो योगो दुष्प्राप्य इति मे मतिः / / वश्यात्मना तु यतता शक्योऽवाप्तुमुपायतः . // 24 // सदृशप्रत्ययावृत्त्या वैतृष्ण्याद् बहिरर्थतः / एतच्च युज्यते सर्वं भावनाभावितात्मनि // 25 // स्त्रीपशुक्लीबदुःशीलवर्जितं स्थानमागमे / सदा यतीनामाज्ञप्तं ध्यानकाले विशेषतः // 26 // स्थिरयोगस्य तु ग्रामेऽविशेषः कानने च न / तेन यत्र समाधानं स देशो ध्यायतो मतः // 27 // . यत्र योगसमाधानं कालोऽपीष्टः स एव हि / दिनरात्रिक्षणादीनां ध्यानिनो नियमस्तु न // 28 // यैवावस्था जिता जातु न स्याद् ध्यानोपघातिनी। " तया ध्यायेन्निषण्णो वा स्थितो वा शयितोऽथवा . // 29 // सर्वासु मुनयो देशकालावस्थासु केवलम् / प्राप्तास्तन्नियमो नासां नियता योगसुस्थता // 30 // वाचना चैव पृच्छा च परावृत्यनुचिन्तने / क्रिया चालम्बनानीह सद्धर्मावश्यकानि च // 31 // आरोहति दृढद्रव्यालम्बनो विषमं पदम् / तथारोहति सद्ध्यानं सूत्राद्यालम्बनाश्रितः // 32 // आलम्बनादरोद्भूतप्रत्यूहक्षययोगतः / ध्यानाधारोहणशो योगिनां नोपजायते // 33 // मनोरोधादिको ध्यानप्रतिपत्तिक्रमो जिने / शेषेषु तु यथायोगं समाधानं प्रकीर्तितम् // 34 // आज्ञापायविपाकानां संस्थानस्य च चिन्तनात् / धर्मध्यानोपयुक्तानां ध्यातव्यं स्याच्चतुर्विधम् - // 35 // 100
