________________ न मोहोद्रिक्तताभावे स्वाग्रहो जायते क्वचित् / गुणवत्पारतन्त्र्यं हि तदनुत्कर्षसाधनम् . .. // 172 // अत एवागमज्ञोऽपि दीक्षादानादिषु ध्रुवम् / क्षमाश्रमणहस्तेनेत्याह सर्वेषु कर्मसु __. // 173 // इदं तु यस्य नास्त्येव स नोपायेऽपि वर्तते / भावशुद्धेः स्वपरयोर्गुणाद्यज्ञस्य सा कुतः __ // .174 // तस्मादासन्नभव्यस्य प्रकृत्या शुद्धचेतसः / स्थानमानान्तरज्ञस्य गुणवद्बहुमानिनः // 175 // औचित्येन प्रवृत्तस्य कुग्रहत्यागतो भृशम् / .. सर्वत्रागमनिष्ठस्य भावशुद्धिर्यथोदिता // 176 // // शासनमालिन्यवर्जनाष्टकम् // 23 // यः शासनस्य मालिन्येऽनाभोगेनापि वर्तते / स तन्मिथ्यात्वहेतुत्वादन्येषां प्राणिनां ध्रुवम् . // 177 // बध्नात्यपि तदेवालं परं संसारकारणम् / . विपाकदारुणं घोरं सर्वानर्थविवर्धनम् // 178 // यस्तून्नतौ यथाशक्ति सोऽपि सम्यक्त्वहेतुताम् / अन्येषां प्रतिपद्येह तदेवाप्नोत्यनुत्तरम् // 179 // प्रक्षीणतीव्रसंक्लेशं प्रशमादिगुणान्वितम् / निमित्तं सर्वसौख्यानां तथा सिद्धिसुखावहम् // 180 // अत: सर्वप्रयत्नेन मालिन्यं शासनस्य तु / प्रेक्षावता न कर्तव्यं प्रधानं पापसाधनम् // 181 // अस्माच्छासनमालिन्याज्जातौ जातौ विगर्हितम् / प्रधानभावादात्मानं सदा दूरीकरोत्यलम् . // 182 // 88
