________________ // 75 // // 76 // // 77 // उद्वेगकृद्विषादाढ्यमात्मघातादिकारणम् / आर्तध्यानं ह्यदो मुख्यं वैराग्यं लोकतो मतम् एको नित्यस्तथाबद्धः क्षय्यसन् वेह सर्वथा / आत्मेति निश्चयाद्भूयो भवनैर्गुण्यदर्शनात् तत्त्यागायोपशान्तस्य सवृत्तस्यापि भावतः / वैराग्यं तद्गतं यत्तन्मोहगर्भमुदाहृतम् भूयांसो नामिनो बद्धा बाह्येनेच्छादिना ह्यमी / आत्मानस्तद्वशात्कष्टं भवे तिष्ठन्ति दारुणे एवं विज्ञाय तत्त्यागविधिस्त्यागश्च सर्वथा / वैराग्यमाहुः सज्ज्ञानसंगतं तत्त्वदर्शिनः एतत्तत्त्वपरिज्ञानान्नियमेनोपजायते / यतोऽतः साधनं सिद्धरेतदेवोदितं जिनैः // 78 // // 79 // // 80 // // 81 // // 82 // // तपोऽष्टकम् // 11 // दुःखात्मकं तपः केचिन्मन्यन्ते तन्न युक्तिमत् / कर्मोदयस्वरूपत्वाद् बलीवर्दादिदुःखवत् सर्व एव च दुःख्येवं तपस्वी संप्रसज्यते / विशिष्टस्तद्विशेषेण सुधनेन. धनी यथा महातपस्विनश्चैवं त्वन्नीत्या नारकादयः / . . शमसौख्यप्रधानत्वाद्योगिनस्त्वतपस्विनः युक्त्यागमबहिर्भूतमतस्त्याज्यमिदं बुधैः / अशस्तध्यानजननात् प्राय आत्मापकारकम् मनइन्द्रिययोगानामहानिश्चोदिता जिनैः / यतोऽत्र तत् कथं न्वस्य युक्ता स्याहुःखरूपता // 83 // // 84 // // 85 //
